Í áfanganum verður farið í eina vetrarferð með áherslu á skíðaiðkun. Áfanginn hefst á undirbúningi fyrir ferð af þessu tagi og farið yfir atriði sem snúa að því að vinna við krefjandi vetraraðstæður. Farið verður yfir búnað, nesti, öryggisatriði og líkamlegt ástand sem þarf til ferða að þessu tagi. Ferðin verður farin yfir helgi, gist er í skála á skíðasvæði.
Engar
Nemandi skal hafa öðlast þekkingu og skilning á:
öryggisatriðum sem tengjast styttri og lengri vetrarferðum
hvaða búnað þarf í vetrarferðir t.d. fatnað, nesti og annan búnað.
mikilvægi góðrar líkamsgetu til þess að njóta útivistar.
Nemandi skal hafa öðlast leikni í að:
meta veðurspá
nota snjalltækni til að kortleggja útivistina
nýta sér upplýsingar af kortum eða öðrum miðlum.
vera með réttan búnað með sér.
Nemandi skal geta hagnýtt þá almennu þekkingu og leikni sem hann hefur aflað sér til að:
nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu
til að undirbúa sig fyrri mismunandi aðstæður við útivist
meta eigin líkamlegu færni til að takast á við mismundi aðstæður