Áfanganum er ætlað að veita nemendum innsýn í hinar ýmsu listgreinar og fjallað er um ólíka þætti listalífsins s.s. myndlist, handverk, hönnun, leiklist o.fl., og þá menningarþætti sem mótað hafa listsköpun mannsins í gegnum tíðina.
Nemendur skoða áhrif og tilgang lista og nýsköpunar í samfélaginu og í sögulegu samhengi, meðal annars með tilliti til virkni listalífs og hagrænna áhrifa.
Markmið áfangans er að nemandinn öðlist hæfni til að tengja sig við og njóta þeirrar menningar sem hann er hluti af og efla hæfni hans til skapandi starfa.
Engar
Nemandi skal hafa öðlast þekkingu og skilning á:
sérkennum mismunandi listgreina
mikilvægi listsköpunar í samfélaginu
hvernig stefnur og straumar í listum taka sífellt breytingum
samspili ólíkra listgreina og hvernig þær hafa áhrif hvor á aðra
möguleikum sem listnám hefur upp á að bjóða
Nemandi skal hafa öðlast leikni í að:
skoða og meta eigin gildi og viðhorf til margvíslegra listforma
vinna á sjálfstæðan og skapandi hátt að verkefnum undir leiðsögn kennara
Nemandi skal geta hagnýtt þá almennu þekkingu og leikni sem hann hefur aflað sér til að:
tengja sig við þá menningu sem hann er hluti af
vera virkur í menningar- og listalífi
taka þátt í umræðum um menningu og listir
efla hæfni sína til list- og nýsköpunar
vinna með öðrum með umburðarlyndi og virðingu að leiðarljósi
meta, greina og skynja listir og hönnun út frá eigin forsendum
Námsmat er útfært í kennsluáætlun í samræmi við skólanámskrá.