Í áfanganum er fjallað um list sem tjáningarform og tæki til að skapa margvísleg áhrif.
Skoðuð eru áhrif lista og skapandi greina á atvinnu- og nýsköpun. Lögð er áhersla á menningar-, félags-, náttúru- og heimspekilegar tengingar við viðfangsefnin.
Markmið áfangans er að nemendur öðlist skilning á hvernig menning og listir tengjast atvinnusköpun og samfélagsþróun og efli hæfni sína til list- og nýsköpunar.
Nemendur vinna að rannsóknum á afmörkuðum viðfangsefnum lista og menningar með ábyrgum og sjálfstæðum hætti.
LIME1IN05
Nemandi skal hafa öðlast þekkingu og skilning á:
rótum, áhrifum og tilgangi lista og menningar í nútímasamfélagi og í sögulegu samhengi
áhrifum lista og skapandi greina á atvinnulíf og efnahag
uppbyggingu, aðferðum, hugtökum og sérkennum mismunandi listgreina
hvernig samfélagsbreytingar, trúarbrögð, tækniframfarir, þróun í vísindum og stjórnmál hafa áhrif á listir, skynjun og sköpun
hvernig stefnur og straumar í listum taka sífellt breytingum
Nemandi skal hafa öðlast leikni í að:
tengja margvíslegar listir og listform við menningu, samfélag, náttúru og tækni
skoða og meta eigin gildi og viðhorf til margvíslegra listforma
beita mismunandi aðferðum í framsetningu verkefna s.s. með því að rita, tala, teikna eða miðla á annan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
skilja samspil menningar, sögu, tækniþróunar og listsköpunar
skilja hlutverk menningar og sköpunar í eflingu skapandi greina
tjá sig á skýran, ábyrgan og gagnrýninn hátt um listsköpun
vera meðvitaður um ólíka upplifun og skoðanir fólks á mismunandi listformum
ræða heimspekileg álitamál um skynjun
fjalla um eigin verk og listrænar niðurstöður
Námsmat er útfært í kennsluáætlun í samræmi við skólanámskrá.