Nemendur nýta sér námsefni undanfara við að framkvæma verklegar tilraunir sem hafa það hlutverk að auka skilning á einstökum þáttum fræðigreinarinnar. Unnið er í vélarúmshermi og öðrum búnaði og stöðvum. Kynntar eru gerðir og uppbygging túrbína í vatns- og gufuaflsstöðvum og reglunartækni. Æskilegt er að nemendur fái tækifæri til að heimsækja og kynnast rekstri raforkuvera. Fræðilega umfjöllum um efni þessa áfanga er m.a. að finna í áfanga VÉLF3VC05EV.
VÉLF4VD05, VÉLT3ÁL04
Nemandi skal hafa öðlast þekkingu og skilning á:
álagslínuritum og hlífðarkerfum fyrir dísilvélar (unnið í hermi).
eimkötlum og kerfum þeirra.
hámarksþrýstivörn, tvístöðureglun og reglun yfirhitunar.
varmafræði eimtúrbínu og eimkerfis (unnið í hermi).
Francis vatnstúrbína.
seigjureglun (unnið í hermi).
innstillingu á Siemens og Woodward reglum.
pelton vatnstúrbína.
bestun á vatnshæðarregli við eimketil (unnið í hermi).
Nemandi skal hafa öðlast leikni í að:
gera varmajöfnuð á eimkatli og stærð hitaflata (unnið í hermi).
ræsa og keyra eimketil (unnið í hermi).
regla ferskvatnskerfi (unnið í hermi).
regla kæligetu frystikerfis.
leggja mat á upplýsingar, t.d. samanburð mældra gilda við eðlilegt eða æskilegt ástand.
Nemandi skal geta hagnýtt þá almennu þekkingu og leikni sem hann hefur aflað sér til að:
hafa yfirsýn og geta kynnt fyrir öðrum helstu atriði og niðurstöður æfingar.
vinna úr mæliniðurstöðum, útreikningum og línuritum á skýran hátt svo draga megi ályktanir af niðurstöðum verkefna.
taka ákvarðanir um viðbrögð ef niðurstöður mælinga á vélbúnaði gefa tilefni til.
skrifa greinargóðar skýrslur um bilanir, ástand og úrbætur samkvæmt niðurstöðum rannsókna.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.