Nemendur öðlast ítarlega þekkingu í reglunartækni, svo sem P-, I- og D-þætti reglna, reglunarbúnaði fyrir vatnsafls- og jarðvarmavirkjanir og reglunarbúnaði dísilvéla. Þeir kynnast og verða færir um að nýta sér hugtök eins og stöðugleikafall og snúningshraðafall og geta í framhaldinu annast stillingar á algengum stjórn- og eftirlitsbúnaði aflvéla.
REGL2HR05, VÉLF3VC04
Nemandi skal hafa öðlast þekkingu og skilning á:
stöðugleikafalli fyrir vélar í samkeyrslu.
gildi snúningshraðafalls gagnvart samkeyrslueiginleikum véla.
hlutverki aðgerðamagnarans í uppbyggingu rafeindareglna og helstu rásum sem tengjast honum.
eiginleikum mismunandi framkvæmdarliða (loka) stöðureglna (positioner) og breytna (I/p og p/I).
sjálfstýringu í skipi.
aukabúnaði í nútímareglum dísilvéla.
Nemandi skal hafa öðlast leikni í að:
teikna reglunarbúnað með röskunarmælingu.
reikna út P-, I- og D-þætti reglna eftir ZN bæði fyrir tengda og rofna slaufu, stöðu- og rásferil.
notfæra sér leiðbeiningar framleiðenda (t.d. Woodward) varðandi innstillingu á gangráðum dísilvéla.
teikna og reikna stöðugleikafall (f, P-fall) fyrir vélar í samkeyrslu (speed droop, ójöfnunargráða).
gera sér grein fyrir gildi snúningshraðafalls varðandi samkeyrslueiginleika og beita stærðfræðilegum aðferðum á fyrrnefndar rásir.
Nemandi skal geta hagnýtt þá almennu þekkingu og leikni sem hann hefur aflað sér til að:
leggja sjálfstætt mat á stöðu búnaðar og ástand og hvernig bregðast á við frávikum.
stjórna og stilla vélbúnað sem byggir á flókinni reglunartækni.
beita stærðfræðilegum aðferðum til að skýra P-, I- og D-þætti reglna eftir ZN bæði fyrir tengda og rofna slaufu, stöðu- og rásferil.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.