Nám í þessum áfanga á að veita nemendum undirstöðuþekkingu í burðarþolsfræðum að því marki að þeir geti notað burðarþolsútreikninga til að ákvarða stærð og styrk ýmissa vélarhluta og lagt mat á efnisgerð út frá þeim.
SMÍÐ2NH05, EÐLI3AV05, STÆF2VH05
Nemandi skal hafa öðlast þekkingu og skilning á:
eiginleikum helstu málma við tog- eða þrýstiálag.
grundvallaratriðum jafnvægisfræðinnar.
fjöðrun í efnum og lögmáli Hooks.
hvað átt er við með togspennu, þrýstispennu og skurðarspennu.
aðferðum við að reikna út spennur í bitum og vélahlutum.
skurðkröftum og bognunarvægislínuriti fyrir burðarálag á öxla og bita.
flatar- og viðnámsvægi öxla og bita.
Euler-reiknireglunni og beitingu hennar við útreikninga á álagi á súlur.
útreikningum á hámarksspennum samkvæmt von Mises.
Nemandi skal hafa öðlast leikni í að:
reikna út togspennur, þrýstispennur og skurðarspennur í þversniðum.
reikna út skurðkrafta og bognunarvægi fyrir öxla og bita.
reikna út flatar- og viðnámsvægi fyrir ýmis þversnið.
reikna út spennur í öxlum og bitum.
reikna út styrk í súlum m.a. á grundvelli Euler-reiknireglunnar.
Nemandi skal geta hagnýtt þá almennu þekkingu og leikni sem hann hefur aflað sér til að:
reikna burðarþol til að ákvarða stærð og styrk ýmissa öxla, bita og vélarhluta.
velja málma og efnismagn sem standast kröfur um styrk og hámarka efnisnýtni.
vinna sjálfstætt og leggja gagnrýnið mat á útreikninga.
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.