Í þessum grunnáfanga í Dungeons & Dragons er farið í alla helstu grunnþætti spilsins. Nemendur byrja á því að læra einfaldaða útgáfu sem leggur áherslu á skapandi spilun, persónusköpun og helstu leikreglur. Í framhaldi af því er farið að spila hefbundnari útgáfu leiksins með notkun 5 útgáfu leiksins og læra nemendur að búa til eigin persónur og aðferðir við að skapa persónur og heim í samvinnu við aðra. Í kennslustundum er blandað saman æfingum og spilamennsku, auk almennrar fræðslu um sögu spilsins og áhrif þess á menninguna.
Í áfanganum verður nemendum einnig gefinn kostur á að semja sína eigin útgáfu af leik og stýra öðrum sem dýflissustjóri í D&D.
Nemandi skal hafa öðlast þekkingu og skilning á:
Sögu D&D.
Grunnreglum í D&D.
Mismunandi stigakerfum.
Mismunandi spilunaraðferðum.
Notkun leikreglna og hlutverkaspilun við spilaborðið.
Sköpun persóna og söguþráðar.
Nemandi skal hafa öðlast leikni í að:
Meta styrk persóna og leikkerfa og tjá þann styrk innan reglna leiksins.
Vinna með spilafélögum til að ná settum markmiðum.
Gera áætlun sem spilari og sem dýflissustjóri.
Reikna út stig á mismunandi formi.
Bregðast við leikspuna og óvæntum uppákomum innan hlutverkaleikja.
Nemandi skal geta hagnýtt þá almennu þekkingu og leikni sem hann hefur aflað sér til að:
Sýna samvinnu og umburðarlyndi með spilafélögum.
Leiðsagnarnám. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.