Nemendur fá áframhaldandi þjálfun í lestri og gerð byggingateikninga en nú með áherslu á timburhús og
þakvirki. Haldið er áfram umfjöllun um almenna byggingauppdrætti en samhliða koma einnig
burðarvirkisuppdrættir þar sem m.a. er komið inn á ýmiss konar álag á byggingar og brunahönnun. Fjallað er
um algengustu útfærslur burðarvirkja úr tré, byggingatæknilegar lausnir, hönnunarforsendur, verklýsingar
með tilliti til m.a. efniskrafna og einangrunar. Nemendur kynnast mátkerfi fyrir byggingariðnaðinn og fá
þjálfun í gerð efnislista og kostnaðarútreikninga á grundvelli hönnunargagna. Áfanginn er ætlaður
húsasmiðum og byggist á verkefnavinnu með leiðsögn kennara
GRTE1FF05 ‐ GRTE2FÚ05 Grunnteikning, TEIK2HS05 Teikningar og verlýsing í húsasmíði
Nemandi skal hafa öðlast þekkingu og skilning á:
trévirki timburhúsa og útfærslu einstakra byggingarhluta
ákvæðum reglugerðar um byggingarefni húsa með áherslu á timbur
íslenskum stöðlum um timbur og festingar í burðarvirki húsa
helstu fagheitum á byggingar- og burðarvirkisuppdráttum
mátkerfi fyrir byggingariðnaðinn og hagnýtingu þess
teikningalestri og vinnu með teikningar timburhúsa og trévirkja
helstu tegundum uppdrátta og teikninga og öll almennum teiknitáknum
merkingum og verklýsingum á teikningum
teikniaðferðum og teiknireglum fyrir trévirki og timburhús
Nemandi skal hafa öðlast leikni í að:
gera efnislista og einfalda kostnaðarútreikninga á grundvelli teikninga
teikna algengustu deililausnir trévirkja og lítið timburhús
gera rissmyndir af deililausnum einstakra byggingarhluta úr tré
gera uppdrætti af litlu timburhúsi og deiliteikningum trévirkja
Nemandi skal geta hagnýtt þá almennu þekkingu og leikni sem hann hefur aflað sér til að:
styðjast við Rb-blöð í upplýsingaleit og við gerð teikninga
hafa innsýn í tæknilegar útfærslur vegna álags og einangrunar
Mælt er með því að námsmat byggi á verkefnavinnu, skyndiprófum og lokaprófi.