Maðurinn og umhverfi hans er meginviðfangsefni áfangans.
Lögð áherslan á skissuvinnu í módelteikningu og anatómíu, hlutföll mannslíkamans skoðuð sem og einstaka líkamspartar, stellingar og hreyfing.
Einnig verður unnið áfam með mannslíkamann í mismunandi efnum og aðferðum s.s. leir, vatnslitum, akrýllitum ofl. Þá skila nemendur fullunnum verkum, maður og umhverfi. Þetta er fært upp í mismunandi stílbrigði.
Túlkun á mannslíkamanum skoðuð í gegn um listasöguna og hvernig hann birtist í ýmsum stílbrigðum í listmálun, myndskreytingum og höggmyndum. Áhrif frá listasögunni komi fram í fullunnum verkum.
MYNL1LM05 og MYNL2TK05
Nemandi skal hafa öðlast þekkingu og skilning á:
- hlutfallaskiptingu mannslíkamans - anatómíu mannslíkamans - hreyfimöguleikum mannslíkamans - fjarvíddarstyttingum - á stílbrigðum og aðferðum - hvaða aðferðir hann vill nota - hvaða stílbrigði hann vill nota - hvernig á að setja tilfinningar og hugtök í myndbygginguna með formnotkun - mismunandi túlkun mannslíkamans eftir tímabilum og svæðum
Nemandi skal hafa öðlast leikni í að:
- teikningu mannslikamans - að nýta sér tækni til að ná réttum hlutföllum, styttingum og anatómíu - að nota ákveðin stílbrigði að eigin vali - að nota áveðnar aðferðir að eigin vali - að útskýra og rökstyðja val sitt á aðferðum og stíl - að útskýra og rökstyðja merkingu verksins
Nemandi skal geta hagnýtt þá almennu þekkingu og leikni sem hann hefur aflað sér til að:
- túlka manninn í umhverfi sínu (abstrakt/raunsætt) - kalla fram þá tilfinningu sem hann æskir í verkið - gera sér grein fyrir í hvaða efnivið hann vill vinna sem og stíl - geta rætt og rökstutt verk sín - túlka manninn með tilliti til tímabila og svæða í listasögunni
Námsmat er tilgreint í kennsluáætlun og er í samræmi við skólanámskrá.