Í þessum valáfanga í ensku er áhersla lögð á yndislestur með það fyrir augum að gefa nemendum tækifæri á að skoða fjölbreytt bókmenntaverk eða rit almenns eðlis. Markmiðið er að nemendur þrói bæði lestraráhuga og getu. Nemendur vinna sjálfstætt að verkefnum og þjálfast í að tjá hugsun sína skýrt í ræðu og riti og rökstyðja skoðanir sínar.
Nemandi skal hafa öðlast þekkingu og skilning á:
þeim bókum sem hann velur til lestrar
eigin færni og áhuga er varðar lestur á ensku
gagnrýnu viðhorfi til bókmennta eða annarskonar texta
Nemandi skal hafa öðlast leikni í að:
lesa og skilja enskan texta
útskýra inntak textans með eigin orðum, bæði á íslensku og ensku
tjá eigin afstöðu til textans, bæði á íslensku og ensku
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um ensk bókmenntaverk eða rit almenns eðlis
skilja og skrifa enskan texta
tjá sig munnlega á ensku
Nemendur lesa tvær bækur að eigin vali (þó að fengnu samþykki kennara) og vinna tvö verkefni (skrifleg og/eða munnleg) úr hvorri bók um sig.