Unnið er með helstu aðferðir í tauþrykki, búta- og útsaum og hannað út frá þeim.
Áfanginn byggir á hugmyndavinnu, gagnasöfnun og tilraunum.
Nemendur gera tilraunir og velja síðan aðferð sem grundvöll fyrir lokaverkefni, svo sem nytjahlut eða flík ásamt vinnulýsingu og tilheyrandi vinnubók með hugmyndaspjaldi, tilraunum á pappír og í textíl.
HÖTE2HU05
Nemandi skal hafa öðlast þekkingu og skilning á:
- gagnasöfnun í formi þankahríðar - gerð hugmyndaspjalds út frá almennri tækni í tauþrykki, búta- og útsaum - mismunandi aðferðum við tauþrykk, bútasaum og útsaum - mikilvægi textílefna í tauþrykki, búta- og útsaumi - orðaforða aðferðanna þriggja, í víðustu merkingu þeirra - skýringarmyndum og vinnulýsingum sem tengjast viðfangsefni áfangans
Nemandi skal hafa öðlast leikni í að:
- móta tillögu að nytjahlut þar sem beitt er tauþrykki, bútasaumi og/eða útsaumi - teikna snið af nytjahlut eftir eigin hugmyndum - sníða prufu af einföldum nytjahlut - gera tilraunir með mismunandi frágang á nytjahlutum - nota orðaforða greinarinnar við notkun vinnulýsinga - setja hönnun sína fram með hugkorti og myndum - semja vinnulýsingu fyrir hönnun sína og stilla upp á sýningarbás
Nemandi skal geta hagnýtt þá almennu þekkingu og leikni sem hann hefur aflað sér til að:
- fullvinna nytjahlut, frá hugmynd að fullunnu verki - skila af sér skilmerkilegri hugmyndavinnu og vinnulýsingu - vinna að hönnun út frá heild, sögu eða ákveðnu þema - gera sér grein fyrir hönnunarferli frá upphafi til enda - viðhafa vönduð vinnubrögð í öllu vinnuferlinu
Námsmat er tilgreint í kennsluáætlun og er í samræmi við skólanámskrá.