Í áfanganum er fjallað um vöruhönnun og vinnuferli frá hugmynd til fullunninnar vöru.
Nemendur kynna sér það helsta sem er að gerast á Íslandi í dag á þessu sviði. Nemendur virkja sköpunargáfu sína og velja sér farveg fyrir eigin hönnun, leita uppi hentugan efnivið, tækni og markmið fyrir vöru sína. Farið verður í stafræna smiðju, Fab Lab, þar sem nemendur þróa hugmyndir sínar.
Nemandi skal hafa öðlast þekkingu og skilning á:
- möguleikum til sköpunar í textílgreinum s.s. saumi, prjóni, vefnaði og þrykki - möguleikum til sköpunar með nýtingu stafrænnar smiðju - Fab Lab, s.s. móta línur og form og prenta í þrívídd - samnýtingu hand- og vélunninna aðferða - almennu hönnunarferli, frá hugmynd að tilbúinni afurð - vinnulaginu: hugmyndavinna, gagnasöfnun, úrvinnsla í efnivið og markaðssetningu
Nemandi skal hafa öðlast leikni í að:
- beita aðferðum og verklagi valinna textílgreina, t.d. að nota saumavél - beita tilraunavinnu með hráefni og aðferðir - þróa vöru út frá nánasta umhverfi sínu - vinna sjálfstætt að þróun eigin vöru - nýta verkfæri og tól stafrænnar smiðju
Nemandi skal geta hagnýtt þá almennu þekkingu og leikni sem hann hefur aflað sér til að:
- virkja sköpunarkraft sinn - öðlast yfirsýn yfir markmið vöruhönnunar sinnar - þróa nytjahluti út frá eigin forsendum og annarra - meta notagildi vöru út frá þörfum neytandans - markaðssetja hönnun sína á hagkvæman og umhverfisvænan hátt - hanna vöru með hagkvæmni, ábyrgð og umhverfisvitund að leiðarljósi
Námsmat er tilgreint í kennsluáætlun og er í samræmi við skólanámskrá.