Í áfanganum er fjallað um híbýlahönnun í tengslum við textíl. Mismunandi stílar og hönnuðir eru skoðaðir. Fjallað er um rými og notkun þess, og nemendur vinna rýmisteikingar og líkön.
Nemendur vinna allan mögulegan textíl í híbýlum s.s.púða, dúka, rúmteppi, gluggatjöld, listmuni og fl.
Nemendur eru þjálfaðir í að virkja sköpunarkraftinn í hugmyndir sínar og hönnun.
HÖTE2HU05
Nemandi skal hafa öðlast þekkingu og skilning á:
- mismunandi stílum í innanhússhönnun - rými og rýmisteikningu - hugmyndaöflun og uppsetningu - mismunandi tækni í samsetningu verkefna - samsetningu mismunandi hráefna - framsetningu og frágangi
Nemandi skal hafa öðlast leikni í að:
- skrá hugmyndir sínar - gera rýmisteikningar og líkön - þekkja liti og gildi þeirra í umhverfi okkar - nýta saumtækniaðferðir við verkefnin sín
Nemandi skal geta hagnýtt þá almennu þekkingu og leikni sem hann hefur aflað sér til að:
- vinna með hugmyndir sínar þannig að hægt sé að útfæra þær - meta hvaða efni og form henta við útfærslu á eigin listsköpun - búa yfir hæfni til að velja liti og samsetningar út frá lita-og formfræði - rökræða útlit og notagildi út frá fagur-og formfræðilegum forsendum - skilja ferlið frá hugmynd að fullunnu verki - greina mismunandi stíla í híbýlahönnun - kynna hugmyndir sínar og verk
Námsmat er tilgreint í kennsluáætlun og er í samræmi við skólanámskrá.