Meginviðfangsefni áfangans er að kenna helstu atriði sem hafa ber í huga við almennt hestahald. Hluti námskeiðsins fer fram í hesthúsum nemenda þar sem nemendur eru látnir bera ábyrgð á fóðrun og umhirðu hesta sinna. Úttekt fer fram í byrjun og lok námskeiðs en nemandi heldur skráningu á þjálfun og umhirðu hesta sinna og skilar skýrslu í námskeiðslok. Í áfanganum er farið yfir helstu reglugerðir um hestahald og aðbúnað hesta. Farið er í skipulag í hesthúsi, s.s. stíustærð, vinnuplássi, viðrunargerði, kaffistofu, fóður- og hnakkageymslu og helstu grunnatriði varðandi loftræstingu og lýsingu. Jafnframt er farið yfir helstu atriði er lúta að hestum í haga, mat á landi, skiptingu stóðs, girðingar, fóðrun og skjól og einnig helstu þætti er varða hrossarækt, uppeldi unghrossa og stóðhestahald. Nemendum eru kynnt öryggisatriði og helstu reglur varðandi hestakerrur og flutning á hrossum.
FÓHE2FU05
Nemandi skal hafa öðlast þekkingu og skilning á:
reglum varðandi hestahald
aðbúnaði hrossa í hesthúsi og í haga
mikilvægi beitarstjórnar og mati á beitarálagi
fóðrun hrossa á húsi og á útigangi
mismunandi gerðum girðinga
reglum varðandi girðingar á hrossahólfum
reglum varðandi hesthús og umgjörð hesthúss
helstu atriði er hafa ber í huga við skipulag á hesthúsi
hvernig haga skuli geymslu á fóðri
helstu atriði er varða loftskipti í hesthúsi
helstu atriði er varða lýsingu í hesthúsi
umhverfi hesthúss og gerði
helstu atriði er varða hrossarækt, uppeldi unghrossa og stóðhestahald.
helstur reglum og öryggisatriðum hvað varðar hestakerrur og flutning á hrossum.
Nemandi skal hafa öðlast leikni í að:
hugsa rétt um hesta, fóðra þá og meta líkamlegt ástand, s.s. holdastig og almennt heilbrigði
gera umhverfi hestsins hestvænt
meta gæði hesthúss
halda hesthúsi með jöfnu hitastigi, hreinu og vel loftræstu
setja upp aðstöðu í hesthúsi þannig að vel fari um menn og hross
útiloka allar hættur eða slysagildrur sem kunna að skapast í illa hönnuðum hesthúsum
halda gerði og ytra umhverfi hesthús í sómasamlegu ásigkomulagi
setja upp algengustu gerðir af girðingum og viðhalda þeim
meta ástand beitarhólfa
skipt upp stóði eftir fóðurþörf hrossa og virðingastigi
flutt hross milli staða á öruggan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
geta borið ábyrgð á umhirðu hrossa í hans umsjá.
geta haldið hesta og fóðrað þá við mismunandi skilyrði í samræmi við gildandi reglugerðir og lög hverju sinni
meta beit og beitarálag
fóðra hross eftir fóðuráætlun
gera umhverfi hestsins hestvænt
ala upp ung hross
hafa umsjón með stóðhesti
flytja hross á milli staða á öruggan hátt
Námsmat er fjölbreytt og felst meðal annars í ýmsum verkefnum, prófum, jafningjamati og sjálfsmati.