Í áfanganum er farið í helstu þætti hestatengdar ferðaþjónustu. Nemandinn fær kennslu og æfingu í störfum greinarinnar og lærir að aðstoða fagfólk við að skipuleggja og undirbúa hestaferð. Einnig að leiðbeina byrjendum (börnum og fullorðnum) í hestamennsku. Farið er í öryggismál, samskipti við viðskiptavini og almennar vinnureglur á hestaleigum og reiðskólum. Kennd er skyndihjálp í hestamennsku. Nemendur þurfa að taka, eða hafa tekið, almennan áfanga í skyndihjálp til að ljúka þessum áfanga.
Áfanginn er bæði bóklegur og verklegur.
REIM3ÞG05
Nemandi skal hafa öðlast þekkingu og skilning á:
hvaða atriði þarf að hafa í huga við undirbúning og framkvæmd á hestaferð
hvernig aðstoða á fagfólk við reiðkennslu og stjórna byrjendahópum á hestaleigum
almennum öryggismálum á hestaleigum og reiðskólum
skyndihjálp í hestamennsku og kunna fyrstu hjálp
Nemandi skal hafa öðlast leikni í að:
hafa öðlast leikni í að undirbúa hestaferð gesta á hestaleigu
aðstoða fagfólk við reiðkennslu og stjórna byrjendahópum
Nemandi skal geta hagnýtt þá almennu þekkingu og leikni sem hann hefur aflað sér til að:
geta aðstoðað við undirbúining og útfærslu ferða í hestatengdu ferðaþjónustu fyrirtæki
getað aðstoðað reiðkennara við kennslu byrjenda í hestamennsku
getað notað skyndihjálp og tryggt öryggi gesta ferðaþjónustunnar
Námsmat er tilgreint í kennsluáætlun og er í samræmi við skólanámskrá