Áfanginn er grunnáfangi í klassískri eðlisfræði. Nemendur æfast í að finna og nota réttu eðlisfræðiverkfærin til að skoða heiminn í kringum sig og skilja hann. Áhersla er á samþættingu reikninga og tilrauna og að nemendur geti kynnt og rökstutt niðurstöður sínar fyrir öðrum á skýran hátt. Lögð er áhersla á sjálfstæð vinnubrögð.
STÆR2MÁ05 (A)
Nemandi skal hafa öðlast þekkingu og skilning á:
helstu hugtökum aflfræðinnar.
orkuvarðveislu í lokuðum kerfum.
lögmálum Newtons og beitingu þeirra.
Nemandi skal hafa öðlast leikni í að:
skoða umhverfi sitt og beita eðlisfræðilögmálum til að skilja það með því bæði að reikna og framkvæma tilraunir.
nota fjölbreytta tækni við tilraunir til að fá skilning á heiminum.
miðla niðurstöðum sínum á sem skýrastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði og beita gagnrýninni og skapandi hugsun við lausn eðlisfræðiverkefna.
öðlast sjálfstæði í að afla sér þekkingar og finna réttu tækin til að skilja umhverfi sitt og alheiminn.
skrá lausnir sínar skipulega, túlka og rökstyðja þær og skiptast á skoðunum um þær við aðra.
nýta nútímatækni til þess að öðlast skilning á eðlisfræði og til að miðla þekkingu sinni og niðurstöðum.