Viðfangsefni áfangans er íslenskt mál og bókmenntir. Nemendur efla markvisst færni sína í lestri og réttritun. Nemendur afla sér heimilda og setja í samhengi við þær bókmenntir sem unnið er með hverju sinni. Sögulegur bakgrunnur er skoðaður þegar það á við og tengdur viðfangsefninu. Nemendur vinna með mismunandi ritstíl og bragarhætti og þjálfast í því að bera kennsl á einkennandi þætti fyrir ákveðin tímabil í bókmenntasögunni.
Nemandi skal hafa öðlast þekkingu og skilning á:
sögulegum bakgrunni ritverka og helstu einkennum.
ritstíl og bragarháttum.
hugtökum sem notuð eru við ritgerðasmíð.
notkun heimilda í hvers konar ritun.
hagnýtum aðferðum við mat á eigin vinnu og annarra.
samhengi máls og menningarsögu.
miðlun og kynningu efnis.
Nemandi skal hafa öðlast leikni í að:
lesa margs konar gerðir texta og beita aðferðum sem við eiga.
tjá sig skýrt, munnlega og skriflega um málefni sem hann hefur kynnt sér.
setja fram mál sitt í ræðu og riti á skýran og skilmerkilegan hátt.
vinna með öðrum nemendum í hóp að gerð ýmiss konar verkefna.
meta eigið vinnuframlag sem og annarra.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa ólíkar tegundir bókmennta sér til gagns.
taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu.
leita sér heimilda og upplýsinga um tiltekið efni og vinna úr þeim á sjálfstæðan og heiðarlegan hátt.
vinna að skapandi verkefnum í tengslum við námsefnið.