Viðfangsefni áfangans miða að því að veita nemandanum innsýn í, þekkingu og þjálfun í helstu viðfangsefni stjórnenda. Farið verður í helstu hugmyndir um gæðastjórnun, þróun gæðastjórnunar og hvernig hægt sé að vinna að aukinni gæðavitund og betri gæðastjórnun í rekstri. Fjallað um hlutverk góðrar mannauðsstjórnunar frá ráðningu til starfsloka. Fjallað um hvaða áhrif mismunandi þjóðmenning hefur á verkefni stjórnenda fyrirtækja. Unnið er með breytingastjórnun og hvernig hægt er að vinna farsællega með stafsmönnum að breytingum, þeim og rekstrinum til hagsbóta. Nemendur æfast í verkefnastjórnun og læra um mikilvægi góðrar skipulagningar og áætlunar á verki. Nemendur kynnast frumkvöðlastjórnun og mikilvægi nýsköpunar og umbóta í fyrirtækjarekstri. Farið verður yfir hlutverk stjórnenda m.t.t. samfélaglegrar ábyrgðar fyrirtækja og ábyrgð á umhverfi sínu.
Nemandi skal hafa öðlast þekkingu og skilning á:
hugmyndum gæða-, mannauðs, breytinga-, verkefna- og frumkvöðlastjórnun
mikilvægi gæðastarfs í fyrirtækjum og stöðugri framþróun gæðamála
gildi starfsmannastefnu, starfsmannaáætlunum, greiningu og hönnun starfa og mikilvægi góðra starfslýsinga
ráðningarferli starfsmanna, þjálfun nýliða, stöðugri þróun starfa og endurmenntun og hvað felst í stafslokum starfsmanna og áhrif á fyrirtækið
mikilvægi góðrar verkefnastjórnunar og hvað felst í góðri verkefnastjórnun
nýsköpunarstjórnun og mikilvægi þess að nýta aðferðir hennar í framþróun fyrirtækis
Nemandi skal hafa öðlast leikni í að:
nýta sér þekkingu sína á stjórnun og þeirri hugmyndafræði stjórnunar er sem hann hefur lært
nýta hugmyndir gæðastjórnunar til að bæta starfssemi fyrirtækisins, eigendum, starfsmönnum og viðskiptavinum til hagsbóta
greina vinnuferla og gert tillögur að hagræðingu og úrbótum
gera starfssamninga, starfslýsingar, vinna að stöðugri endurmenntun og framþróun starfsmanna
setja upp verkáætlanir
gera jafnréttisáætlun, gera verkferil til að taka á einelti ef upp kemur á vinnustað
greina vanda er upp kemur vegna mismunandi þjóðmenningar og þau tækifæri sem felast í henni
vinna að sjálfbærni og umhverfisstefnu fyrir fyrirtækið
vinna að stefnu fyrirtækisins í góðu viðskiptasiðferði
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra grundvallarmuninn á milli þeirra stjórnunarhugmynda sem unnið var með í áfanganum
útlista mismunandi aðferðir í starfsmannastjórnun og notað þær sem eiga best við með tilliti til aðstæðna hverju sinni
leysa úr vanda á vinnustað sem á rót að rekja til mismunandi þjóðmenningar starfsmanna og nýti þau tækifæri sem fylgja mismunandi þjóðmenningu
leysa úr siðferðislegum álitamálum er upp koma
reka fyrirtæki sem hefur jafnrétti í víðum skilningi þess orðs að leiðarljósi
leiða breytingar í fyrirtækinu á farsælan hátt
nýta sér hugmyndafræði mannauðsstjórnunar til að hvetja og efla starfsmenn og móta gott vinnuumhverfi
gera og vinna eftir verkáætlun
vinna að frumkvöðla- og nýsköpunarverkefnum á rekstrarsviði fyrirtækisins
reka fyrirtæki þar sem starfsmenn vinna á jafnréttisgrundvelli
reka fyrirtæki sem er með gott viðskiptasiðferði og samfélagslega ábyrgt
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.