Það kom upp villa senda inn  Áfangi

    Áfangi Nánari upplýsingar


    Búið til: 1550673462.66

    Siðfræði og mannréttindi
    HEIM3SM05
    9
    heimspeki
    siðfræði og mannréttindi
    Samþykkt af skóla
    3
    5
    Siðfræði og mannréttindi eruð viðfangsefni þessa áfanga. Siðfræði er hagnýt fræðigrein sem kemur öllum við því hún fæst við að svara spurningum á borð við: Hvernig á ég að haga lífi mínu? Hvað er það sem ljær lífinu merkingu og mikilvægi? Hvað er eftirsóknarvert? Hvað er rétt og hvað er rangt? Markmið áfangans er að kynna siðfræði sem fræðigrein og læra um helstu strauma og stefnur, þjálfa leikni í að takast á við siðferðileg vandamál líðandi stundar með því að færa rök og mótrök fyrir ólíkum sjónarmiðum og skoða og greina hugtök siðfræðinnar.
    Mannréttindi byggja að siðferðilegum grunni sem verður skoðaður. Einnig verður staða mannréttinda í heiminum í dag skoðuð og rædd.Kynntar verða kenningar heimspekinga um forsendur og form ólíkra samfélaga, um grundvöll siðferðis og rætur stjórnskipunar. Spurningin um það hvernig æskilegt sé að samfélagið sé upp byggt og hvaða grunngildi skuli í heiðri höfð er tekin til umfjöllunar, en þannig má öðlast dýpri skilning á því hvaða viðfangsefni eru við að eiga í flóknu samfélagi.
    Aukinn skilningur á þessu sviði gagnast nemandanum til að þroska sig sem félagsveru og þátttakanda í hinum fjölbreytilegu aðstæðum sem mæta honum í daglegu lífi. Þannig er, auk skilnings á samfélagslegum viðfangsefnum, lögð áhersla á að auka færni í röklegum og lýðræðislegum samræðum. En að hugsa og tala um þessi mál er eitt, að gera eitthvað til að hafa áhrif á og bæta ástandið er annað. Verkefni áfangans munu sum hver miða að því að virkja nemendur og sýna þeim fram á áhrifamátt sinn.
    Leitast er við að virkja nemandann til þess að yfirvega eigin skoðanir á siðferðilegum efnum og heimspekilegum grundvelli stjórnmála. Atburðir líðandi stundar eru skoðaðir með það fyrir augum að beita aðferðum heimspekinnar til að dýpka og breikka skilning nemenda á þeim og auka þar með hæfni þeirra til þátttöku í lýðræðislegu samfélagi.
    HEIM2BY05
    Nemandi skal hafa öðlast þekkingu og skilning á:
    • - siðfræði og helstu kenningum heimspekinga um hana
      - grunnkenningum um samfélög og stjórnmálaheimspeki, svo sem hugmyndum Platons, Aristótelesar, Thomas Hobbes, John Locke, John Rawls og Robert Nozick
      - heimspekilegum rótum ýmissa samfélagslegra fyrirbæra, svo sem mannréttinda, laga, réttarfars og stjórnkerfis
    Nemandi skal hafa öðlast leikni í að:
    • - lesa heimspekitexta
      - koma auga á og greina heimspekilegt inntak kvikmynda
      - beita gagnrýnni hugsun
      - meta eigin rök og annarra
      - tjá sig heimspekilega og hlusta á aðra
      - tengja heimspeki við eigin reynslu og veruleika
    Nemandi skal geta hagnýtt þá almennu þekkingu og leikni sem hann hefur aflað sér til að:
    • - móta sínar eigin skoðanir á samfélagsmálum og þjálfist í heimspekilegri samræðu um þær
      -geta gert heimspekilega grein fyrir viðfangsefnum á borð við réttlæti, mannréttindi, frelsi og jafnrétti
      - fjalla heimspekilega um þau mál sem efst eru á baugi hverju sinni með hliðsjón af íslensku og alþjóðlegu samfélagi
      - átta sig á áhrifamætti sínum þegar kemur að samfélagsmálum og mannréttindum
    Námsmat er útfært í kennsluáætlun í samræmi við skólanámskrá.