Farið er yfir sögu tölvutækninnar þ.á.m. forritunarmála. Nemendur kynna sér uppbyggingu og virkni stýrikerfa. Nemendur fá undirstöðuþjálfun í forritun í hlutbundna forritunarmálunum Python og Java. Nemendur læra að skrifa hefðbundin forrit sem keyra í textaham. Forritunarmálin eru að miklu leyti á ensku þannig að áfanginn mun leggja áherslu á að auka bæði hagnýtan og faglegan orðaforða nemenda. Einnig verður lögð áhersla á að nýta bæði tölvur, internetið, og leitarvélar.
UPPD2SM05 (eða sambærilegur inngangsáfangi).
Nemandi skal hafa öðlast þekkingu og skilning á:
hvernig tölvur virka
hvað internetið er og hvernig það virkar
grunn hugmyndum um hvað forritunarmál er
hvað leitarvél er og hvernig þær virka
python forritunarmálinu
java forritunarmálinu
Nemandi skal hafa öðlast leikni í að:
nýta tölvur sem verkfæri en ekki leikfang
nýta internetið og leitarvélar til gagns
nýta sér forritunarmál til gagns
skapa forrit með Python forritunarmálinu
skapa forrit með Java forritunarmálinu
Nemandi skal geta hagnýtt þá almennu þekkingu og leikni sem hann hefur aflað sér til að:
skapa reikniverk, reiknilíkön, og önnur forrit með því að nýta forritunarmál
geta tekið þátt í formlegum og óformlegum samskiptum varðandi tæknitengd málefni
geta tekið þátt í formlegum og óformlegum samskiptum varðandi forritun
eiga auðvelt með að finna sérhæfðar upplýsingar, skjöl, og gagnabanka á internetinu
búa til eigið forrit eða frumgerð að eigin forriti
Leiðsagnar- og símat sem byggist á verkefnavinnu nemenda