Líffræðin kemur víða fram í kvikmyndum og sjónvarpsþáttum og áhugavert getur verið að kafa dýpra inní hin ýmsu viðfangsefni sem þar eru tekin fyrir. Margt má læra af þessum miðli en oft er áherslan frekar lögð á skemmtanagildið heldur en vísindalegar staðreyndir.
Í þessum áfanga verða kvikmyndir sem taka fyrir ýmis líffræðileg viðfangsefni teknar fyrir og þær greindar á fjölbreyttan hátt. Meginhugmyndin er að nemendur greini og gagnrýni hvernig líffræðin kemur fyrir og hvort rétt sé farið með vísindalegt efni auk þess sem litið er til þess lærdóms sem má af þeim draga.
Horft verður á kvikmyndir og þætti í kennslustundum auk þess sem nemendur eiga að greina efni sem þeir ákveða sjálfir. Mikil áhersla verður lögð á að nemendur sýni gagnrýna hugsun í allri greiningu og vinnu í kringum efnið og stundi sjálfstæða heimildaleit og úrvinnslu efnis (af veraldarvefnum o.s.frv.).
Umræður skipa stóran sess í náminu auk þess sem nemendur munu vinna stór og smá verkefni ýmist einir eða í hópum úr ýmsum viðfangsefnum tengdum því afþreyingarefni sem horft verður á.
Margs konar efni verður til sýningar í áfanganum og má þá helst nefna:
Dýralífsþættir og kvikmyndir sem að sýna atferli dýra og félagslíf þeirra.
Kvikmyndir sem varpa ljósi á ýmis heilbrigðistengd málefni.
Teiknimyndir sem byggja á ákveðnu tímabili í lífssögunni eða á atferli ákveðinnar dýrategundar.
• Þættir þar sem líffræðin er notuð til þess að leysa hina ýmsu glæpi.
LÍFF2FR05 eða sambærilegur áfangi
Nemandi skal hafa öðlast þekkingu og skilning á:
því hvernig líffræðin birtist í kvikmyndum og þáttum
möguleikum þessa miðils sem fræðilegum vettvangi
ýmsum líffræðilegum hugtökum og aðferðum sem tengjast því efni sem farið verður í
mikilvægi gagnrýninnar hugsunar við áhorf afþreyingarefnis
áhrifum líffræðilegs efnis á vísindaþekkingu í samfélaginu
Nemandi skal hafa öðlast leikni í að:
lesa og meta líffræðilegar upplýsingar úr máli og myndum
finna og nota áreiðanlegar heimildir til þess að vinna verkefni og mynda rökstudda skoðun
gera skipulega grein fyrir sínum skoðunum og viðhorfum til efnisins
nýta líffræðilegt efni til þess að búa til eigið afþreyingarefni
Nemandi skal geta hagnýtt þá almennu þekkingu og leikni sem hann hefur aflað sér til að:
greina, hagnýta og meta upplýsingar í töluðu eða rituðu máli
beita gagnrýninni hugsun við vinnu sína
sýna sjálfstæði í vinnubrögðum
vinna með öðrum til að leysa flóknari viðfangsefni
skiptast á skoðunum við aðra um ýmis álitamál og gera grein fyrir eigin hugmyndum og verkum á skilmerkilegan hátt í mæltu máli og myndrænt
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.