Í áfanganum er unnið með fjölbreytt viðfangsefni sem tengjast menningu enskumælandi þjóða, s.s. bókmenntum, sögu, listum og samfélagsmálum.
Lögð er áhersla á skilning, ritun, tal og almennt að auka hæfni í enskri málnotkun.
ENSK2OR05
Nemandi skal hafa öðlast þekkingu og skilning á:
- stjórnmálum, fjölmiðlum og sögu í þeim löndum þar sem tungumálið er talað - menningu þjóða þar sem tungumálið er talað sem og eigin menningu - inntaki textanna sem unnið er með - orðaforða sem gerir honum kleift að tileinka sér með góðu móti lesefni í áframhaldandi námi eða starfi - hefðum sem eiga við um talað og ritað mál
Nemandi skal hafa öðlast leikni í að:
- skilja vel sérhæfða texta á sviði sem hann þekkir - skilja almennt talað mál, jafnvel þar sem frásögnin er ekki sett skipulega fram - lesa, sér til ánægju og upplýsingar, texta sem gerir kröfur til lesandans með tilliti til orðaforða, uppbyggingar, myndmáls og stílbragða - nota tungumálið á sveigjanlegan og árangursríkan hátt í samræðum - tjá sig af öryggi um margvísleg málefni, bæði almenn og persónuleg - beita ritmáli í mismunandi tilgangi, fræðilegum og persónulegum
Nemandi skal geta hagnýtt þá almennu þekkingu og leikni sem hann hefur aflað sér til að:
- nýta sér fyrirlestra, umræður og rökræður um efni sem hann hefur þekkingu á - skilja sér til gagns þegar fjallað er um flókið efni - átta sig á mismunandi málsniði og stíl í töluðu máli - greina sögulegt, félagslegt, menningarlegt eða pólitískt samhengi í texta, s.s. í bókmenntaverkum og öðrum textum - leggja gagnrýnið mat á texta - hagnýta sér fræðitexta og meta heimildir á gagnrýninn hátt - beita málinu til að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni - flytja vel uppbyggða frásögn, kynningu eða greinargerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum - lýsa flóknum hlutum eða ferlum á fræðisviði sem hann þekkir vel - beita rithefðum sem við eiga við textasmíð, m. a. um inngang með efnisyrðingu, meginmál með vel afmörkuðum efnisgreinum og niðurlag - vinna efni úr ýmsum upplýsingaveitum og fella saman í eina heild samkvæmt þeim hefðum sem gilda um heimildavinnu - skrifa gagnorðan, skilmerkilegan og vel uppbyggðan texta - skrifa texta með röksemdafærslu þar sem fram koma rök með og á móti og þau vegin og metin - tjá tilfinningar, nota hugarflugið og beita stílbrögðum, t.d. myndmáli og líkingamáli