Áfanginn fjallar um tónlist, um hljóð, hrynjanda, laglínu og samhljóm, sem þroskandi og uppbyggjandi þátt í lífinu fyrir einstaklinginn og hópinn í heild. Nemendur æfa lög saman til að efla samvinnu og samkennd. Einstaklingurinn þjálfast í að hlusta á og heyra mismunandi tegundir tónlistar og skilja þá mismundi hluta sem byggja upp lag með því að spila þau. Hópurinn æfir lög saman og finnur leið til þess að allir meðlimir hópsins njóti sín sem best. Notuð eru ýmis hljóðfæri sem til eru á sérnámsbraut.
Nemandi skal hafa öðlast þekkingu og skilning á:
mismunandi formum tónlistar
uppbyggingu laga
samspili og samvinnu
Nemandi skal hafa öðlast leikni í að:
samspili á útvöldum lögum
hlusta og heyra tónlist
samvinnu innan hópsins
Nemandi skal geta hagnýtt þá almennu þekkingu og leikni sem hann hefur aflað sér til að:
spila valin lög með hópnum
standa að tónleikum þar sem hann miðlar listrænum styrk sínum
samvinnu svo allir í hópnum nýti hæfileika sína til hins ítrasta
Í áfanganum er viðhaft leiðsagnarmat með símati alla önnina.