Áfanginn er ætlaður byrjendum í íslensku og engrar kunnáttu er krafist. Nemendur kynnast uppbyggingu tungumálsins með hlustun og samræðum eftir því sem orðaforðinn leyfir. Lögð er sérstök áhersla á framburð, íslenska málhljóða, hlustun, skrift og lestur.
Nemandi skal hafa öðlast þekkingu og skilning á:
grundvallarþáttum í framburði (áherslum og hrynjanda) íslenska málkerfisins.
einföldum upplýsingum í mæltu máli.
einföldum upplýsingum í rituðu máli.
Nemandi skal hafa öðlast leikni í að:
skrifa eftir upplestri.
flokka orð á rétta staði.
vinna með einfalda texta.
beita hlustun til að vinna úr upplýsingum í mæltu máli.
Nemandi skal geta hagnýtt þá almennu þekkingu og leikni sem hann hefur aflað sér til að:
rita íslensku á einföldu formi.
tileinka sér lykilatriði í stuttum rauntextum.
fara eftir einföldum leiðbeiningum, skilaboðum og tilkynningum í mæltu og rituðu máli.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.