Áfanginn er ætlaður byrjendum í íslensku og engrar kunnáttu er krafist. Áhersla er lögð á að byggja upp orðaforða sem varðar daglegt líf í íslensku samfélagi, mynda einfaldar setningar og taka þátt í einföldum samræðum, sem gerir þeim kleift að bjarga sér af eigin rammleik við algengar aðstæður.
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum áfangans.
grundvallarþáttum íslenska málkerfisins.
framburði íslenskra málhljóða.
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt.
fylgja einföldum fyrirmælum.
lesa einfalda texta sem innihalda algengan orðaforða sem tengist nemandanum, umhverfi hans og áhugamálum og vinna úr þeim á mismunandi hátt eftir því hver tilgangur með lestrinum er hverju sinni.
taka þátt í einföldum samræðum um efni sem hann þekkir eða hefur áhuga á.
segja á einfaldan hátt frá sjálfum sér, fjölskyldu sinni og athöfnum og atburðum daglegs lífs með því að beita orðaforða og framburði á sem réttastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
greina einfaldar upplýsingar í mæltu máli.
skilja einfalda texta.
taka þátt í einföldum samræðum.
segja frá persónulegum högum sem og einföldum staðreyndum um kunnugleg efni.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.