Áfanginn er ætlaður nemendum sem hafa lokið einni önn í íslensku. Í áfanganum er lögð áhersla á að nemendur auki við orðaforða um daglegt líf á Íslandi. Miðað er að því að nemendur geti tileinkað sér daglegt mál með þjálfun í tali, hlustun og ritun.
Ein önn í íslensku sem annað mál við Tækniskólann eða annað sambærilegt nám.
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum áfangans.
grundvallarþáttum íslenska málkerfisins.
sínu nánasta umhverfi og samfélagi.
Nemandi skal hafa öðlast leikni í að:
skilja talað mál um kunnugleg efni.
lesa texta sem innihalda algengan orðaforða sem tengist nemandanum, umhverfi hans, daglegu lífi og áhugamálum og vinna úr þeim á mismunandi hátt eftir því hver tilgangur með lestrinum er hverju sinni.
taka þátt í samræðum um efni sem tengist innihaldi áfangans.
nota aukinn orðaforða til að segja frá sjálfum sér og athöfnum og atburðum daglegs lífs.
geta skrifað texta um sjálfan sig, daglegt líf og sitt nánasta umhverfi.
beita orðaforða, málnotkun og framburði á sem réttastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
greina einfaldar upplýsingar í mæltu máli.
skilja einfalda texta.
taka þátt í einföldum samræðum.
segja frá persónulegum högum sem og einföldum staðreyndum um kunnugleg efni.
rita íslensku á einföldu formi.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.