Áfanginn er ætlaður nemendum sem hafa lokið einni önn í íslensku. Markmið áfangans er að nýta þá þekkingu sem nemendur hafa í íslensku til þess að örva skilning, hlustun, skrif, rökhugsun og tal. Til þess að ná fram þessum markmiðum er orðaforði þjálfaður með krossgátum, umræðum, hlustun, samtölum og skrifum.
Ein önn í íslensku sem annað mál við Tækniskólann eða annað sambærilegt nám.
Nemandi skal hafa öðlast þekkingu og skilning á:
þeim orðaforða sem er notaður til að mæta hæfniviðmiðum þrepsins.
réttum framburði, áherslum og hrynjandi tungumálsins.
mismunandi tjáningarmáta.
Nemandi skal hafa öðlast leikni í að:
beita orðaforða sem hann ræður yfir.
lesa mismunandi texta.
taka þátt í almennum umræðum um efni áfangans.
Nemandi skal geta hagnýtt þá almennu þekkingu og leikni sem hann hefur aflað sér til að:
beita viðeigandi mál- og samskiptavenjum.
tjá skoðun sína.
miðla eigin þekkingu, skoðunum og tilfinningum.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.