Áfanginn er ætlaður nemendum sem hafa lokið tveimur önnum í íslensku. Lögð er áhersla á daglegt líf, s.s. umhverfi, fjölskyldu, menningu, atvinnu og ferðalög. Samhliða er málfræði skoðuð og uppbygging tungumálsins.
Tvær annir í íslensku sem annað mál við Tækniskólann eða annað sambærilegt nám.
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum áfangans.
sínu nánasta umhverfi og samfélagi.
samskiptavenjum í íslensku þjóðfélagi.
Nemandi skal hafa öðlast leikni í að:
skilja talað mál um efni sem tengist áfanganum.
lesa texta sem sem tengist nærumhverfi nemandans og þátttöku í samfélaginu.
taka þátt í samræðum um efni sem tengist innihaldi áfangans.
segja frá sjálfum sér, nánasta umhverfi sínu, væntingum, þörfum, athöfnum og atburðum daglegs lífs í íslensku samfélagi.
geta skrifað texta um sjálfan sig, daglegt líf og sitt nánasta umhverfi.
beita orðaforða, málnotkun og framburði á sem réttastan hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
greina upplýsingar í mæltu máli.
skilja texta sem tengist viðfangsefninu.
taka þátt í samræðum um umhverfi sitt og þátttöku í samfélaginu.
segja frá persónulegum högum og væntingum.
rita íslensku á sem vandaðastan hátt.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.