Áfanginn er ætlaður nemendum sem hafa lokið tveimur önnum í íslensku. Í áfanganum kynnast nemendur íslensku samfélagi í gegnum bíómyndir, þætti, tónlist, o.fl. Unnin eru fjölbreytt verkefni sem reyna á ritun, tal og hlustun.
Tvær annir í íslensku sem annað mál við Tækniskólann eða annað sambærilegt nám.
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum áfangans.
sínu nánasta umhverfi og samfélagi.
íslenskri menningu og því sem er efst á baugi í íslenskum samtíma.
Nemandi skal hafa öðlast leikni í að:
skoða og skilgreina íslenskt samfélag fyrr og nú.
taka þátt í samræðum um efni sem tengist innihaldi áfangans.
tjá sig á íslensku um efni áfangans, bæði í rituðu og mæltu máli.
Nemandi skal geta hagnýtt þá almennu þekkingu og leikni sem hann hefur aflað sér til að:
skilja íslenskt samfélag.
fylgjast með því sem er að gerast á Íslandi.
taka þátt í umræðu um íslenskt samfélag.
verða meðvitaðri um samfélagið sem hann býr í.
Áfanginn er símatsáfangi. Matsþættir eru lagðir fyrir yfir önnina samkvæmt kennsluáætlun.