Áfram er haldið með bókmenntahugtök. Nemendur kynna sér heim og hugmyndafræði nýrra sagna jafnt sem fornbókmennta. Tvær nútímaskáldsögur eru lesnar auk einnar Íslendingasögu. Fjallað er um helstu þætti málsögu og einnig er ítarleg umfjöllun um goðafræði. Nemendur eru þjálfaðir í gerð heimildaritgerða og læra ýmislegt um frágang ritaðs máls auk þess sem farið er áfram yfir helstu stafsetningarreglur . Ætlast er til að nemendur geti staðið upp og flutt mál sitt á skýran og skilmerkilegan hátt.
Fyrir nemendur sem hafa fengið A eða B á grunnskólaprófi eða hafa klárað ÍSLE1UB05.
Nemandi skal hafa öðlast þekkingu og skilning á:
helstu þáttum íslenskrar málsögu
helstu hugtökum í ritgerðasmíð og gerð heimildaritgerða
mismunandi tegundum bókmennta og norrænni goðafræði
Nemandi skal hafa öðlast leikni í að:
rita ritgerðir þar sem hann beitir gagnrýninni hugsun og kemur skoðunum sínum á framfæri á skýran og greinargóðan hátt
draga saman og nýta upplýsingar úr ýmiss konar heimildum og flétta saman við eigin viðhorf og ályktanir á faglegan og heiðarlegan hátt
lesa sér til gagns og gamans nytjatexta og bókmenntaverk frá ýmsum tímum og fjalla um inntak þeirra
skilja og nota algeng stílbrögð í tal- og ritmáli
flytja af nokkru öryggi ræður, endursagnir, lýsingar og kynningar á tilteknum málefnum
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í tengslum við námsefnið og sýna töluverð tilbrigði í málnotkun ...sem er metið með... verkefnum
styrkja eigin færni í að nota heimildir á réttan hátt ...sem er metið með... verkefnum og ritgerðum
beita skýru og blæbrigðaríku máli í ræðu og riti ...sem er metið með... verkefnum
túlka bókmenntatexta frá ýmsum tímum ...sem er metið með... verkefnum og prófum
taka þátt í málefnalegum umræðum, byggja upp skýra röksemdafærslu, tjá afstöðu og efasemdir um efnið og komast að niðurstöðu ...sem er metið með... verkefnum og munnlegri framsögn
Fjölbreytt verkefnavinna, smærri próf, ritgerð auk lokaprófs.