Áfanginn er fyrir alla nemendur utan þeirra sem eru á náttúrufræðibraut og viðskiptabraut. Í áfanganum er lagður grunnur að vinnubrögðum í stærðfræði. Farið verður í grunnþætti stærðfræðinnar, almennan talnareikning, hlutfalla- og prósentureikning, jöfnur og algebru, flatarmál, rúmmál, einslögun og hlutfallskvarða og tölfræði. Stöðug þjálfun í táknmáli stærðfræðinnar og áhersla lögð á framsetningu og rökstuðning.
Fyrir þá sem fengu C á grunnskólaprófi eða hafa lokið STÆR1UA05.
Nemandi skal hafa öðlast þekkingu og skilning á:
undirstöðuatriðum reiknings með heilum tölum og brotum
undirstöðuatriðum algebru
hlutfallshugtakinu
undirstöðuatriðum rúmfræði s.s flatarmál, rúmmáli, mælikvörðum og hlutföllum
föllum og gröfum þeirra
undirstöðuatriðum tölfræðinnar
Nemandi skal hafa öðlast leikni í að:
gera munnlega eða skriflega grein fyrir niðurstöðum sínum og aðferðum
nota reiknivél sem hjálpartæki við lausn stærðfræðilegra viðfangsefna
kunni að skipta stærðum eftir hlutföllum og geti leyst öll algeng dæmi um prósentureikning
vinna með lýsandi tölfræði s.s. miðsækni og tíðni
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra á viðeigandi hátt
beita skipulegum aðferðum við leit að lausnum á þrautum og geta útskýrt aðferðir sínar
skilja merkingu og tengsl hugtaka í námsefninu og geta unnið með þau
geta greint og hagnýtt upplýsingar á sviði stærðfræði sem birtast m.a. í fjölmiðlum
beita gagnrýnni og skapandi hugsun við lausn verkefna og þrauta