Nemendur kynnast jákvæðri sálfræði sem fræðigrein og hvernig hægt er að nýta hana í daglegu lífi. Fjallað er um mannlega styrkleika og hvernig hægt er að nýta sér eigin styrkleika til að gera líf sitt betra með því að þjálfa sig og vinna að settum markmiðum. Í áfanganum er leitast við að auka skilning nemenda á eigin getu og hæfni. Lögð verður áhersla á að nemendur taki virkan þátt í æfingum og verkefnum sem bæta þeirra eigin sjálfsmynd og auka sjálfstraust þeirra. Yfir önnina vinna nemendur meðal annars þakklætisdagbók og lífstilraunir. Framkvæmdar verða æfingar í hugleiðslu og uppbyggilegum samskiptum. Í áfanganum er lagt fyrir hlutlægt sjálfsmat við upphaf náms og lok. Matið á að endurspegla breytingu í líðan og viðhorfum nemandans til sjálfs síns og lífsins.
Kjörsviðsáfangi á öðru þrepi og ÍSLE2ED05_20 (íSL2B05)
Nemandi skal hafa öðlast þekkingu og skilning á:
nokkrum kenningum um hamingjuna og nauðsynlegum þáttum til hamingjuríks lífs
vísindalegu og samfélagslegu gildi greinarinnar og stöðu hennar
því samhengi sem kenningar og lykilhugmyndir greinarinnar spretta úr
hefðbundnum leiðum til hamingju og leiðum jákvæðrar sálfræði
gildi fyrirgefningarinnar, óeigingirni og þakklætis
Nemandi skal hafa öðlast leikni í að:
ígrunda eigin hugsanir og tilfinningar
endurmeta og skoða eigin viðhorf til lífsins með markvissum æfingum
lesa heimildir og rannsóknargögn á gagnrýninn hátt
skoða eigin kosti og galla
beita aðferðum til að slaka á
vinna með styrkleika sína
setja sér markmið og gera framkvæmdaáætlun
miðla eigin skoðunum og viðhorfum til lífsins
tileinka sér jákvæða afstöðu til lífsins
að velja milli kenninga og aðferða við lausn verkefna
vinna sjálfstæða og skapandi rannsókn
Nemandi skal geta hagnýtt þá almennu þekkingu og leikni sem hann hefur aflað sér til að:
bæta eigið sjálfsmat og auka víðsýni
beita leiðum jákvæðrar sálfræði til að öðlast aukna lífshamingju
beita skapandi og lausnarmiðaðri hugsun og leiðum í námi og starfi
koma auga á og fyrirbyggja neikvæðar hugsanir og viðhorf
efla sjálfsþekkingu sína og miðla jákvæðum lífsgildum
lesa heimildir og rannsóknargögn greinarinnar á gagnrýninn hátt
nálgast verkefni á faglegan og sjálfstæðan hátt
sýna sjálfum sér og öðrum umburðarlyndi og skilning í lífi og starfi
setja fram nákvæmar röksemdir fyrir skoðunum sínum
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.