Í áfanganum er fjallað um valda þætti í sögu annarra heimsálfa en Evrópu. Í sögu Afríku er m.a. fjallað um forn konungsveldi, nýlenduvæðingu og sögu undanfarinna áratuga. Í sögu Asíu er m.a. fjallað um sögu Kína, Indlands, Japans og Mið-Austurlanda. Í sögu Ameríku og Eyjaálfu verður m.a. fjallað um samfélög frumbyggja fyrir komu Evrópubúa, hvaða áhrif koma Evrópubúa hafði og sögu þessa svæða fram til okkar dags.
SAGA2FR05/SAGA2OL05
Nemandi skal hafa öðlast þekkingu og skilning á:
tilteknum þáttum í sögu Asíu, Afríku, Ameríku og Eyjaálfu
áhrifum Evrópumanna á sögu svæðanna
ólíkum tegundum söguskoðunar
tilteknum langsniðum, svo sem jafnrétti, mannréttindum, velferð og sjálfbærni
Nemandi skal hafa öðlast leikni í að:
lesa fræðilegan texta jafnt á íslensku sem og á erlendum tungumálum
afla sér heimilda á viðurkenndan hátt
leggja mat á og túlka fjölbreyttar upplýsingar
beita gagnrýninni hugsun
nýta viðurkenndar heimildir til að miðla skoðun sinni á fjölbreyttan hátt
taka þátt í upplýstum umræðum um efnið
Nemandi skal geta hagnýtt þá almennu þekkingu og leikni sem hann hefur aflað sér til að:
tjá skoðanir sínar á rökstuddan hátt í ræðu og riti
beita gagnrýninni hugsun á markvissan hátt
leggja mat á hvernig atburðir fortíðar hafa áhrif á samtímann
læra af fortíðinni
greina meginþætti og álitamál
geta túlkað og ályktað um tiltekna atburði sögunnar
vinna sjálfstætt og í lýðræðislegri samvinnu við aðra á gagnrýninn hátt
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram í náminu. Engin skrifleg lokapróf.