Í þessum áfanga er lögð áhersla á lestur texta af ýmsum toga með það að markmiði að nemendur kynnist sögu, bókmenntum og menningu Spánar ásamt því að byggja upp orðaforða og efla lesskilning. Nemendur kynnast jafnframt spænskri kvikmyndagerð. Áhersla er lögð á þemavinnu, munnlegar kynningar og ýmis konar hlustunar-, ritunar- og talæfingar til að styrkja og bæta við þann grunn sem þegar hefur verið lagður. Í þessum áfanga er stefnt að ferð til Spánar ef áhugi og aðstæður leyfa.
SPÆN2LE05
Nemandi skal hafa öðlast þekkingu og skilning á:
fjölþættum orðaforða í samræmi við hæfni- og leikniviðmið áfangans
notkun tungumálsins til að mæta hæfniviðmiðum þrepsins, bæði munnlega og skriflega
grunnatriðum spænsks málkerfis og helstu hefðum í ritun bæði óformlegra og formlegra sendibréfa
þekktum verkum og nöfnum nokkurra listamanna hins spænskumælandi heims, einkum Spánar
Nemandi skal hafa öðlast leikni í að:
skilja megininntak samræðna og fjölmiðlaefnis, einkum um kunnugleg umræðuefni
taka virkan þátt í samskiptum á viðeigandi hátt og beita málfari við hæfi af meira öryggi en áður
lesa margs konar gerðir texta og beita þeim lestraraðferðum sem við eiga eftir því hverrar gerðar textinn er
taka virkan þátt í samskiptum á viðeigandi hátt og af meira öryggi en áður og beita málfari við hæfi
tjá sig skýrt og hnökralaust um málefni sem hann hefur kynnt sér og undirbúið
skrifa samfellda texta af ýmsum toga, s.s. útdrætti, endursagnir, frásagnir og formleg jafnt sem óformleg sendibréf
nota sjálfstæð og viðeigandi vinnubrögð í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
greina megininntak talaðs máls af ýmsum toga, einkum um kunnugleg umræðuefni ...sem er metið með... verkefnum og prófum
tileinka sér efni ritaðs texta og hagnýta á mismunandi hátt ...sem er metið með... verkefnum og prófum
taka þátt í skoðanaskiptum af meira öryggi en áður og nota til þess viðeigandi orðaforða ...sem er metið með... verkefnum og munnlegri framsögn
tjá sig á skýran hátt í ræðu og riti og beita tungumálinu af nákvæmni við ýmiss konar aðstæður ...sem er metið með... verkefnum, prófum og munnlegri framsögn
Lokapróf og símat sem byggist á ýmsum munnlegum og skriflegum verkefnum sem unnin eru yfir önnina.