Berlín er hér til umfjöllunar. Saga borgarinnar er tekin fyrir, sjónum er beint að tímabilinu frá 1945 til dagsins í dag. Tekin eru fyrir dagleg samskipti á þýsku og nemendur vinna með ýmsar heimildir á þýsku og íslensku. Undirbúningur ferðar til Berlínar, verkefni í tengslum við ferðina. Þekktustu staðir borgarinnar eru heimsóttir undir leiðsögn kennara eða fararstjóra. Samþætting tveggja námsgreina, þýsku og sögu. Nemendur greiða allan kostnað við ferðina.
ÞÝSK1FR05
Nemandi skal hafa öðlast þekkingu og skilning á:
mannlífi og menningu í Berlín
sögu borgarinnar frá 1945 og hvernig sú saga endurspeglar sögu Evrópu
ólíkum textagerðum á þýsku, sérstaklega úr fjölmiðlum og kvikmyndum
grunnorðaforða þýskunnar í samræmi við hæfni- og leikniviðmið áfangans
Nemandi skal hafa öðlast leikni í að:
afla sér hagnýtra upplýsinga og taka þátt í samræðum
skilja talað mál í algengum raunverulegum aðstæðum
segja frá á skýran hátt og halda stuttar kynningar á undirbúnu efni
skrifa samantekt um ferðina
nota upplýsingatækni og hjálpargögn við upplýsingaöflun og verkefnavinnu
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um efni sem hann hefur kynnt sér ...sem er metið með... lokaverkefni
tjá eigin skoðanir og upplifun, munnlega og skriflega ...sem er metið með... lokaverkefni
vera fullgildur félagi í hópi og takast á við mál sem upp geta komið á ferðalagi ...sem er metið með... jafningjamati
meta eigið vinnuframlag og annarra ...sem er metið með... sjálfsrýni
Lokaverkefni, þátttaka í fræðslu- og skoðunarferð til Berlínar.