Í áfanganum vinna nemendur verkefni sem felur í sér samþættingu þekkingar og færni sem aflað hefur verið í skóla og á vinnustað á námstímanum. Áhersla er lögð á skipulagningu, framkvæmd, eftirlit, skráningu og rökstuðning en að öðru leyti er ekki um að ræða fyrirfram ákveðna verkþætti. Reynt er að líkja eftir aðstæðum í atvinnulífinu og því hefur nemandi aðgang að öllum fyrirliggjandi gögnum, efni, áhöldum og tækjum meðan á verkefninu stendur. Um er að ræða verklegan hluta sveinsprófs í múraraiðn. Þar sem verkefninu er ætlað að endurspegla raunverulegar aðstæður er æskilegt að tíminn sem ætlaður er til þess dreifist ekki á langt tímabil.
Nemandi þarf að hafa lokið um 60 einingum af sérnámi brautar
Nemandi skal hafa öðlast þekkingu og skilning á:
viðeigandi lögum, reglugerðum og stöðlum.
gerð verkáætlana og kostnaðaráætlana.
Nemandi skal hafa öðlast leikni í að:
vinna verkáætlun og afmörkuð hönnunargögn.
vinna í samræmi við áætlanir um tíma og kostnað.
gera grein fyrir efnisafföllum og frávikum frá kostnaðaráætlun.
leggja mat á verkáætlun og hönnunargögn vegna verksins.
Nemandi skal geta hagnýtt þá almennu þekkingu og leikni sem hann hefur aflað sér til að:
undirbúa verkefni sem honum er fengið á eigin spýtur.
búa til efnis‐ og kostnaðaráætlun.
velja heppileg áhöld og tæki fyrir einstaka verkþætti.
afla sér upplýsinga um útfærslur, efni, áhöld og tæki.
framkvæma verkefnið sjálfstætt í samræmi við áætlanir.
fylgja fyrirliggjandi verkáætlun og hönnunargögnum.
vinna í samræmi við lög, reglugerðir og staðla.
vinna með hliðsjón af gæðakröfum og viðurkenndu verklagi.
vinna í samræmi við viðurkenndar öryggisreglur og öryggisbúnað.
gera öðrum grein fyrir verkefninu og framkvæmd þess.
rökstyðja val á aðferðum, efnum, áhöldum og tækjum.
gera grein fyrir notkun og viðhaldi á áhöldum og tækjum.
meta gæði verks með hliðsjón af lögum, reglugerðum og stöðlum.