Í áfanganum er fjallað um skemmdir og viðgerðir á steinsteyptum byggingum og mannvirkjum. Lögð er áhersla á mikilvægi þess að varðveita byggingarsögulegt gildi húsa á sama tíma og reynt er að koma til móts við kröfur nútímans um endingu, þægindi og brunavarnir með hliðsjón af lögum og reglum. Farið er yfir greiningu á múr‐ og steypuskemmdum, niðurbrot og endurnýjun burðarvirkja og annarra byggingarhluta, fyrirbyggjandi viðhald m.m. Nemendur læra um gerð og uppsetningu algengustu kerfispalla. Kennslan er aðallega bókleg en einnig verkleg þar sem við á hverju sinni. Lögð er áhersla á smærri verkefni, sýnikennslu og heimsóknir í fyrirtæki og á vinnustaði.
STVI1MR04AB, VLMÚ1MR09AB
Nemandi skal hafa öðlast þekkingu og skilning á:
byggingarsögulegu gildi húsa og mannvirkja.
byggingarsögu timbur‐ og steinhúsa á Íslandi.
afleiðingum mismunandi lausna fyrir varðveislugildi.
burðarflokkun kerfispalla með hliðsjón af notkun.
lögum og reglugerðum um húsafriðun og breytingar á húsum.
mikilvægi brunavarna við viðgerðir og endurnýjun.
viðhaldsörfum efna og byggingarhluta.
öllum helstu sprungu‐ og múrviðgerðarefnum sem til eru á markaðnum.
takmörkunum viðgerðarefna, aðhlúun þeirra og eftirmeðferð.
öryggisreglum um meðferð og notkun einstakra viðgerðarefna.
reglum um notkun og öryggisbúnað fyrir einstök áhöld og tæki.
eldri vinnuaðferðum varðandi hleðslu, múrhúðun og flísalagnir.
helstu gerðum kerfispalla og reglum sem gilda um þá.
helstu múr‐ og steypuskemmdum í byggingum og mannvirkjum.
aðhlúun steinsteypu og múrhúðunar á hörðnunartíma.
múrefnum sem notuð eru til múr‐ og steypuviðgerða.
Nemandi skal hafa öðlast leikni í að:
nýta sér lög og reglugerðir um húsafriðun og breytingar á húsum.
meta hvenær óhætt er að fjarlægja járnbindingu og endurleggja.
setja upp kerfispalla og fallvarnir.
nota öryggisreglur og öryggisbúnað við uppsetningu kerfispalla.
Nemandi skal geta hagnýtt þá almennu þekkingu og leikni sem hann hefur aflað sér til að:
nota reglur um öryggi og öryggisbúnað við viðgerða‐ og breytingavinnu.
greina skemmdir í múruðum, steyptum og hlöðnum byggingarhlutum.
meta umfang múr‐ og steypuskemmda og brotþörf.
átta sig á orsökum og afleiðingum tæringar og veðrunar á steypustyrktarjárn.
beitaaðferðum til viðhalds steinsteyptra og hlaðinna mannvirkja.
beita aðferðum sem notaðar eru til viðgerðar á mismunandi sprungugerðum.
þekkja tæknilegar upplýsingar einstakra efna og hvernig þær eru notaðar.
þekkja áhöld og tæki sem notuð eru til múr‐ og steypuviðgerða.
þekkja verkfæri og tæki sem notuð eru við niðurbrot og endursteypu.
þekkja áhöld og tæki sem notuð eru við yfirborðsmeðhöndlun.
geta framkvæmt múr‐ og steypuviðgerðir innan‐ og utanhúss.
geta framkvæmt viðgerðir í samræmi við teikningar og verklýsingar.
geta lagt mat á og tryggt undirstöður kerfispalla og taka niður kerfispalla.
beita fallvörnum við hvers kyns múr‐ og steypuvinnu.
undirbúa steypubrot fyrir endursteypu og múrhúðun.
gera við steinsteypuvirki í húsum án þess að rýra burðargetu þess.
velja og framkvæma endursteypu í mismunandi byggingarhlutum.