Í áfanganum er fjallað um framkvæmdir við undirstöður og burðarvirki steinsteyptra bygginga og mannvirkja. Gerð er grein fyrir jarðvegsvinnu í mannvirkjagrunnum s.s. þjöppun og jöfnun fyllingar, undirbúningi móta fyrir steypu og niðurlögn hennar. Farið er ítarlega yfir samsetningu og eiginleika steinsteypu, val á steinsteypu, aðhlúun hennar á hörðnunartíma við mismunandi veðurskilyrði og eftirmeðhöndlun. Nemendur læra um framleiðslu á forsteyptum byggingareiningum, notkunarsvið þeirra, uppsetningu, kosti og galla. Kennslan er aðallega bókleg og farið er í heimsóknir í fyrirtæki og stofnanir.
EFRÆ1GN04AB
Nemandi skal hafa öðlast þekkingu og skilning á:
eiginleikum og notkun jarðefna í húsgrunna og fyllingar.
jarðsögu og jarðfræði Íslands.
flokkun lausra jarðefna hér á landi.
tæknilegum eiginleikum bergs og lausra jarðefna.
þjöppun á jarðvegi sem notaður er í fyllingar.
öllum venjulegum grunnlögnum og fyllingu að þeim.
framleiðslu og uppsetningu forsteyptra húseininga.
helstu gerðum steinsteyptra húseininga.
uppsetningu steinsteyptra húseininga.
tilgangi og framkvæmd spenntra húseininga.
framleiðslu og niðurlögn steinsteypu.
helstu gerðum steinsteypu og notkunarsviðum þeirra.
samsetningu og hörðnunarferli steinsteypu.
mismunandi steypumótum og undirbúningi steypuniðurlagnar.
aðhlynningu og eftirmeðhöndlun steinsteypu.
Nemandi skal hafa öðlast leikni í að:
nota helstu tæki sem notuð eru við jarðvegsþjöppun.
nota aðferðir og búnað við niðurlögn og prófun steinsteypu.
járn‐ og vírbenda forsteyptar húseiningar.
undirbúa og leggja niður steinsteypu í mót fyrir húseiningar.
Nemandi skal geta hagnýtt þá almennu þekkingu og leikni sem hann hefur aflað sér til að:
einangra sökkulveggi og fínjafna fyllingu undir botnplötu.
leiðbeina kranastjóra við flutning á efni og tækjum.
beita öryggisreglum og öryggisbúnaði við niðurlögn steinsteypu.