Í áfanganum eru nemendur látnir vinna með hugtök og þekkingu úr rafsegulfræði. Samtímis því eru nemendur þjálfaðir í þeim vinnubrögðum sem notuð eru við nám í þessari grein. Nemendur vinna bæði sjálfstætt og saman í hópum og lögð er áhersla á sjálfstæði og ábyrgð nemandans á eigin námsframvindu.
EÐLI2GÁ05 og STÆR3HV05
Nemandi skal hafa öðlast þekkingu og skilning á:
því hvernig rafhleðsla hlutar á upptök sín í hleðslum öreindanna.
kraftalögmáli Coulombs.
sviðshugtakinu og rafsegulbylgjum.
spennu og rafstöðuorku, tapi á orku í færslu rafmagns.
helstu hugtökum sem notuð eru í rafsegulfræðinni og SI-einingum þeirra.
lögmáli Ohms og reglum Kirchhoffs.
rökrásum, hliðtengingumog raðtengingum.
lögmáli Laplace.
spani og spólum.
verkun nokkurra tækja sem byggja á lögmálum rafsegulfræðinnar.
Nemandi skal hafa öðlast leikni í að:
vinna með tölur og vigra í eðlisfræði og í vísindalegum vinnubrögðum.
beita lögmálum og jöfnum við að leysa verkefni af ýmsu tagi.
leiða út með rökrænum hætti jöfnu fyrir sambandi stærða frá gefnum forsendum.
vinna með fjölmæla og ýmsa rafhluti við að framkvæma verklegar æfingar og vinna úr mæliniðurstöðum þeirra, m.a. með tölvuforritum.
beita hægrihandarreglunni.
setja fram eðlisfræðilegt umfjöllunarefni á skýran og markvissan hátt í ræðu og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum.
nota námsefni og gögn á markvissan hátt.
yfirfæra þekkingu úr öðrum greinum til að auðvelda námið.
meta hvort niðurstöður útreikninga og mælinga séu raunhæfar.
tengja eðlisfræðina við daglegt líf og umhverfi og gera sér grein fyrir notagildi hennar.