Í áfanganum kynnast nemendur mismunandi textílhráefnum, uppruna þeirra og eiginleikum. Skoðuð eru trefjasýnishorn og prófanir gerðar í þeim tilgangi að læra að þekkja gerð þeirra út frá viðbrögðum, t.d. við bruna og kemíska meðferð. Þá eru kynntar helstu aðferðir við litun og eftirmeðferð efna í framleiðslu. Alþjóðlegir leiðbeiningastaðlar, gæðastaðlar og náttúruvernd tekin fyrir. Nemendur safna upplýsingum og prufum í vinnubók.
Nemandi skal hafa öðlast þekkingu og skilning á:
mismunandi trefjategundum.
algengustu bindingum í ofinni og prjónaðri voð.
meðferð eftir merkingum trefja.
Nemandi skal hafa öðlast leikni í að:
greina náttúru- og manngerðar trefjar með brunaprófun.
greina vefnaðar- og prjónabindingar.
Nemandi skal geta hagnýtt þá almennu þekkingu og leikni sem hann hefur aflað sér til að:
meðhöndla, greina og fjalla um mismunandi trefjar.
koma sér upp upplýsinga- og uppflettiriti um áfangann.