Áfanginn er ætlaður nemendum sem ekki hafa íslensku sem móðurmál. Markmiðið er að þeir þjálfist í að lesa bókmenntir á íslensku, segja frá efni lesinna bóka og tjá eigin skoðanir á þeim að lestri loknum.
Nemandi skal hafa öðlast þekkingu og skilning á:
höfundi bókar og ritunartíma
helstu lögmálum sem gilda í skipulegum munnlegum frásögnum
orðaforða sem notaður er við umfjöllun um skáldsögur
Nemandi skal hafa öðlast leikni í að:
tjá sig munnlega á greinargóðu máli um efni bókar
setja saman munnlega greinargerð um skáldsögu á lipran hátt
Nemandi skal geta hagnýtt þá almennu þekkingu og leikni sem hann hefur aflað sér til að:
beita tungumálinu á viðeigandi hátt í frásögn
tjá rökstudda afstöðu sína til efnis og boðskapar
draga saman aðalatriði, beita gagnrýninni hugsun við lestur, túlkun og úrvinnslu texta
sýna víðsýni, skilning og sanngirni í málflutningi og afstöðu sinni til efnis
Námsmat byggir á frammistöðu nemenda við að gera grein fyrir lesnum bókum.