Nemendur vinna leiksýningu sem þeir sýna á Holqa Theatre leiklistarhátið sem haldin er í menntskólanum Junior Collage í bænum Valletta á Möltu. Þessi leiklistarhátíð er haldin ár hvert en leiklistarbraut FG mun bjóða upp á áfangann annað hvert ár.
Í áfanganum er unnin leiksýning sem sýnd verður á leiklistarhátíðinni. Nemendur vinna ásamt leiðbeinanda sjálfstætt verk út frá þemum sem tengjast hverri hátíð. Unnið er út frá samsköpun og er mikil áhersla lögð á sjálfstæði og vinnusemi.
Nemendur þurfa sjálfir að standa straum af ferðakostnaði og þátttökugjöldum en leiklistarhátíðin sér þátttakendum fyrir fæði og gistingu meðan á hátíðinni stendur. Reynt verður að skipta jafnt eftir kynjum í hópinn.
Eingöngu geta 20 nemendur af leiklistarbraut valið áfangann og skilyrði fyrir þátttöku eru að nemendur séu ekki hluti af leikhópi söngleiksins (á þessum tíma eru sýningar í gangi), séu 18 ára á ferðaárinu og skráðir í skólann þá önn sem hátíðin er fyrirhuguð.
LEIK3SK05
Nemandi skal hafa öðlast þekkingu og skilning á:
samvinnu
mikilvægi þess að komast að sameiginlegri niðurstöðu í hópavinnu
heildstæðu listrænu ferli, frá æfingum til sýningar
að leiklist er alþjóðlegt „tungumál“
því sem við eigum sameiginlegt með öðrum þjóðum
Nemandi skal hafa öðlast leikni í að:
taka tillit til annarra í hópavinnu
nýta ólíkar aðferðir í leiklist við að búa til leiksýningu
vinna í hópi í listrænu ferli
eiga uppbyggilegt samtal um listrænt ferli
vinna í alþjóðlegu umhverfi
Nemandi skal geta hagnýtt þá almennu þekkingu og leikni sem hann hefur aflað sér til að:
setja saman leiksýningu
taka tillit til ólíkra þarfa og hugmynda í hópavinnu
nýta leiklist sem aðferð til samvinnu og skilnings þvert á þjóðerni og tungumál