Í áfanganum eru kennd grunnatriði trésmíða með áherslu á þekkingu og færni í notkun hand- og rafmagnshandverkfæra og trésamsetninga. Haldið er áfram umfjöllun um efnisfræði tréiðna þar sem ítarlegar er farið í ýmsa eðliseiginleika viðar, flokkun, merkingar og þurrkun. Tekið er fyrir val og umhirða á verkfærum s.s. stillingar og brýnsla. Nemendur læra að nota hefilbekki og stilla með áherslu á góða vinnuaðstöðu. Kennslan byggir að hluta á fyrirlestrum þar sem kennari útskýrir grunnatriði fyrir nemendum en stærsti hlutinn eru fjölbreytileg smíðaverkefni sem byggja á markmiðum áfangans. Fjallað er um algengustu lofthandverkfæri sem notuð eru í tré‐ og byggingaiðnaði, meðferð þeirra og viðhald. Kynntar eru mismunandi loftpressur. Kennsla í áfanganum byggir á innlögnum frá kennara þar sem hann útskýrir grunnatriði fyrir nemendum.
VGRT1GN04AB
Nemandi skal hafa öðlast þekkingu og skilning á:
umgengni og notkun rafmagnshandverkfæra og annarra handverkfæra.
öryggisþáttum og viðhaldi rafmagnshandverkfæra.
vinnuaðstöðu og vinnumhverfi.
algengasta smíðavið og smíðisfestingum.
helstu eðliseiginleikum viðar og þurrkun timburs.
flokkun og merkingum timburs eftir styrk og útliti.
smíðisfestingum sem notaðar eru í trésmíði.
áhöldum til mælinga og uppmerkinga.
öryggisreglum einstakra hand‐ og rafmagnshandverkfæra.
þvingum og vinnuaðferðum við samsetningar í trésmíði.
öryggisreglum fyrir meðferð og notkun einstakra límtegunda.
notkun lofthandverkfæra í trésmíði og öryggisbúnaði þeirra.
stillingum og fyrirbyggjandi viðhaldi lofthandverkfæra.
Nemandi skal hafa öðlast leikni í að:
nota áhöld til mælinga og uppmerkinga.
nota mismunandi tegundir verkfæra.
nota algengustu hand‐ og rafmagnshandverkfæri.
leggja á og brýna algengustu handverkfæri.
nota helstu trésamsetningar við einfalda trésmíði.
lesa merkingar og flokka efni með tilliti til útlits og styrks.
Nemandi skal geta hagnýtt þá almennu þekkingu og leikni sem hann hefur aflað sér til að:
aðlaga sig að mismunandi vinnuumhverfi.
velja smíðavið fyrir einstök verkefni og rökstyðja valið.
flokka timbur með hliðsjón af leiðbeiningum.
beita vinnuskipulagi í trésmíði og fylgja aðgerðalista við vinnu.
ganga úr skugga um gæði smíðishluta fyrir samsetningu.
nota þvingur markvisst til að fá smíðishlut réttan í límingu.
mæla og taka úr fyrir smíðisfestingum og setja endanlega upp.
velja rétt lofthandverkfæri með hliðsjón af verkefni.