Í áfanganum er fjallað um létt byggingavirki innanhúss með áherslu á útfærslur og klæðningu veggja, lofta og gólfa. Gerð er grein fyrir uppsetningu einstakra grindar- og klæðningakerfa, efnisnotkun, festingum, einangrun, áhöldum, tækjum og vinnu-aðferðum. Nemendur læra um smíði léttra innveggja úr blikkstoðum, klæðningu þeirra með gipsplötum, uppsetningu niðurhengdra kerfislofta og lagningu mismunandi parkets m.m. Sérstök áhersla er lögð á útfærslur og frágang á léttum byggingavirkjum í votrými.
TRÉS1SA06BB
Nemandi skal hafa öðlast þekkingu og skilning á:
mismunandi kerfisveggjum, kostum þeirra og göllum.
uppsetningu og klæðningu léttra kerfisveggja innanhúss.
efni og festingum sem notaðar eru í létt veggvirki innanhúss.
uppbyggingu algengra kerfislofta og notkunarsvið þeirra.
smíði léttra kerfisveggja innanhúss með hliðsjón af reglum og leiðbeiningum framleiðenda.
öryggisreglum og öryggisbúnaði við smíði léttra veggvirkja innanhúss og kerfislofta.
helstu gerðum af gegnheilu og fljótandi parketi og eiginleikum þeirra.
efnum og áhöldum sem notuð eru við lagningu og slípun parkets.
frágangi, slípun og yfirborðsmeðferð á nýju og eldra parketi.
öryggisráðstöfunum við lagningu, slípun og yfirborðsmeðferð á parketi.
uppsetningu burðar- og þverlista og stillingu grindar.
lagningu parkets á mismunandi undirstöður og efni.
algengustu burðarkerfum fyrir niðurhengd loft og uppsetningu þeirra.
Nemandi skal hafa öðlast leikni í að:
merkja og setja upp vegglista, festingar og upphengjur.
sníða og koma plötum fyrir og búa til loftlúgu.
undirbúa og leggja gegnheilt og fljótandi parket á stein og tré.
Nemandi skal geta hagnýtt þá almennu þekkingu og leikni sem hann hefur aflað sér til að:
velja áhöld og tæki til uppsetningar á grind og klæðningu.