Áfanginn er byggður í kringum skipulagða þjálfun í tiltekinni íþróttagrein í íþróttafélagi innan ÍSÍ. Áfanginn byggir á formlegum samningi skólans og íþróttafélags. Nemendur, þjálfari og íþróttakennari skólans gera með sér samning þar sem nemandinn skuldbindur sig til ástundunar, mætinga og að vera fyrirmynd annarra hvað varðar heilsusamlegt líferni.
Nemandi skal hafa öðlast þekkingu og skilning á:
leikfræði, tækni og grunnreglum íþróttarinnar
mikilvægi aga og ábyrgðar afreksíþróttamanns til að ná árangri
mikilvægi heilsusamlegs lífernis
Nemandi skal hafa öðlast leikni í að:
stunda íþróttina á skipulagðan hátt
framkvæma tækniatriði íþróttarinnar
halda utan um sína eigin þjálfun með ferilbók
ígrunda nám sitt á einfaldan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
tileinka sér og ástunda heilsusamlegt líferni
bera ábyrgð á eigin námi
auka tæknilega færni í íþróttinni
vera hluti af þeirri félagslegu heild sem íþróttin er