Í áfanganum fá nemendur kennslu í hvernig hægt er að halda utan um vinnu sína á skipulegan hátt með stafrænum aðferðum, til dæmis með einfaldri vefsíðu og öðrum aðferðum. Hvernig setja má vinnuna upp í ferilmöppu til kynningar á sjálfum sér vegna umsókna í háskóla, þátttöku í samkeppnum, umsókna um sýningar o.s.frv. Heimasíður íslenskra listamanna verða skoðaðar, gagnrýndar og greindar.
Í áfanganum læra nemendur helstu aðferðir við framleiðslu myndbanda. Í ferlinu er farið í markvissa hugmyndavinnu, myndbyggingu, myndatöku, klippingu, lokafrágang myndar og kynningu á henni. Lögð er áhersla á að kenna nemendum að vinna myndhandrit. Nemendur vinna að fyrirfram ákveðnum verkefnum á fjölbreyttan hátt. Í öllum verkefnum er lögð áhersla á góða samvinnu/hópavinnu. Nemendum verður kynnt starfsemi fyrirtækja sem vinna að kvikmyndagerð á fjölbreyttum grundvelli og eins fá nemendur kynningu á framhaldsnámi á sviði kvikmynda- og myndbandagerðar. Íslenskir listamenn sem vinna verk með þeirri tækni sem kennd er í áfanganum verða kynntir.
MÁLV2GR05 og SKÚL2GR05 eða FATA2SG05 og TÍSK2TH05 eða LEIK3SS05 og LEIK3SK05 eða HÖNN2HA05 og SKÚL2GR05
Nemandi skal hafa öðlast þekkingu og skilning á:
umsóknarferli í háskóla
hvernig íslenskir myndlistarmenn kynna sig á heimasíðum sínum
helstu aðferðum við einfalda myndbandagerð
vinnu fagfólks í myndbandagerð
mikilvægi samvinnu við gerð myndbanda
menntastofnunum hér heima og erlendis á sviði kvikmyndagerðar
Nemandi skal hafa öðlast leikni í að:
setja saman ferilmöppu þar sem hann kynnir sig og verk sín og dregur upp heiðarlega og sannfærandi mynd af sjálfum sér og list sinni
skrásetja verk sín stafrænt
leita sér upplýsinga um inntökuferli í íslenskum og erlendum háskólum
búa til margskonar myndbönd
vinna í hóp sem skiptir með sér verkum
ræða opinskátt um þær hugmyndir sem hann túlkar í myndböndum sínum
taka þátt í umræðu um hugmyndir og stuttmyndir samnemenda sinna á uppbyggilegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
sækja um nám og störf sem tengjast námi hans á listnámsbraut ...sem er metið með... verkefnum
skapa myndbönd sem eru áhugaverð og persónuleg ...sem er metið með... verkefnum
fjalla um hugmyndalegan og verklegan bakgrunn verka sinna ...sem er metið með... verkefnum og munnlegri framsögn
taka þátt í uppbyggilegri og frjórri samræðu um verk sín og annarra ...sem er metið með... verkefnum og munnlegri framsögn
Í áfanganum verða verkefni nemenda, verkleg og skrifleg, metin með tilliti til sjálfstæðis, tækni, fagurfræði, hugmyndaauðgi,vinnusemi og vinnubragða.