Áhersla er lögð á að nemendur vinni með fjölbreyttan texta. Nemendur munu kynnast íslenskum menningararfi úr Vesturheimi og margbreytilegum menningarheimum landa þar sem enska er móðurmál og íslenskt landnám hefur átt sér stað, t.d. í Winnipeg, Kanada og víðar. Nemendur afla sér þekkingar um venjur og siði þessara svæða. Unnið er markvisst að því að efla sjálfstæði nemenda í námi og því að hver nemandi finni eigin leiðir til að ná árangri í náminu og setji sér markmið. Nemendur vinna í auknum mæli sjálfstætt að viðameiri verkefnum, svo sem þematengdu efni o.fl., sem fela í sér öflun upplýsinga á bókasafni, á Netinu og margmiðlunarefni. Áfram er lagður grunnur að lýðræðislegri hugsun þar sem nemendur notast við sjálfsmat og jafningjamat í námi.
ENSK2TM05 og ÍSLE2ED05
Nemandi skal hafa öðlast þekkingu og skilning á:
enskum og íslenskum orðaforða í ræðu og riti sem gerir honum kleift að tileinka sér með góðu móti lesefni í áframhaldandi námi eða starfi
helstu menningasvæðum þar sem íslenskt landnám hefur farið fram
ólíkum viðhorfum og gildum og hvernig þau móta menningu landssvæðanna
sögu, þjóðfélagsfræði og menningu á helstu landsvæðum íslensks landsnáms í Vesturheimi
mállýskunni vesturíslensku og þróun íslenskrar tungu í Vesturheimi
Nemandi skal hafa öðlast leikni í að:
lesa sér til fræðslu og/eða ánægju texta sem gera miklar kröfur til lesendans, bæði hvað varðar orðaforða og uppbyggingu
greina sögulegt, félagslegt, menningarlegt eða pólitískt samhengi í texta
nýta sér fyrirlestra, umræður og rökræður um efni fræðilegs og menningarlegs eðlis
átta sig á mismunandi málsniði og stíl í töluðu máli og undirliggjandi merkingu, viðhorfum og tilgangi þess sem talar
ritun heimildaritgerða þar sem beitt er gagnrýnni hugsun við úrvinnslu og koma efninu á framfæri á skýran og greinargóðan hátt á blæbrigðaríku máli
frágangi heimildaritgerða og hvers kyns texta
flytja af öryggi og sannfæringarkrafti vel upp byggða ræðu eða ítarlega kynningu á flóknu efni
Nemandi skal geta hagnýtt þá almennu þekkingu og leikni sem hann hefur aflað sér til að:
beita enskri og íslenskri tungu af lipurð og kunnáttu til þess að geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
skrifa skýran, vel uppbyggðan og grípandi texta og geta valið ritstíl eftir aðstæðum og viðtakendum
beita málinu á viðeigandi og árangursríkan hátt við mismunandi aðstæður í ræðu og riti
tjá rökstudda afstöðu við ýmsar kringumstæður, útskýra sjónarmið og taka virkan þátt í málefnalegum umræðum til að komast að vel ígrundaðri niðurstöðu
draga saman aðalatriði, beita gagnrýninni hugsun við lestur, túlkun og úrvinnslu krefjandi texta, átta sig á samfélagslegum skírskotunum og ná duldum boðskap og hugmyndum
flytja vel uppbyggða frásögn, kynningu eða greinagerð, draga fram aðalatriði og rökstyðja mál sitt nokkuð nákvæmlega með dæmum og bregðast við fyrirspurnum
skrifa texta með röksemdarfærslu þar sem fram koma rök með og á móti og þau eru vegin og metin
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.