Áfanginn er ætlaður nemendum sem ekki hafa staðist kröfur grunnskólans í stærðfræði. Markmið hans er að efla þekkingu nemenda á undirstöðu reikniaðgerða: samlagningu, frádrætti, margföldun og deilingu ásamt forgangsröðun reikniaðgerða.
Nemandi skal hafa öðlast þekkingu og skilning á:
reikniaðgerðunum fjórum
röð aðgerða
mikilvægi vandaðra vinnubragða í stærðfræðinámi
Nemandi skal hafa öðlast leikni í að:
vinna með tölur
vinna með sviga
setja upp og leysa talnadæmi
Nemandi skal geta hagnýtt þá almennu þekkingu og leikni sem hann hefur aflað sér til að:
lesa einfaldan stærðfræðitexta
sýna útreikninga og skrá lausnir sínar skilmerkilega
segja frá niðurstöðum sínum og hvernig þær eru fengnar
Náminu er skipt í námslotur. Nemendur vinna á eigin hraða og taka próf þegar þeir eru tilbúnir. Hægt er að skipta áfanganum niður á tvær annir ef vill.