Í áfanganum er stærðfræði kynnt í nýju ljósi og lögð áhersla á þá þætti hennar sem tengjast listum og hönnun. Meðal þess sem skoðað er: Fibonacci, gullinsnið, margflötungrar - Origami - Tilings, fractals, snúningar - hliðrun - færslur, stærðfræði í arkitektúr.
Nemandi skal hafa öðlast þekkingu og skilning á:
Pýþagórasarreglu um rétthyrnda þríhyrninga
Fibonacci talnarunnunni
Gullinsniði
Snúningum, hliðrun og færslu
Margflötungum, Origami, Tilings og Fractals
Nemandi skal hafa öðlast leikni í að:
Beita Pýþagórasarreglu til að reikna út stærðir
Reikna út og mæla hlutföll í gullinsniði
Spegla, snúa og hliðra formum
Nemandi skal geta hagnýtt þá almennu þekkingu og leikni sem hann hefur aflað sér til að:
Skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt.
Átta sig á tengslum stærðfræðilegra hugmynda við náttúru og listir
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.