Í áfanganum skoða nemendur margvíslega möguleika á starfsferli sem beint og óbeint byggir á námi í myndlist. Nemendur kynnast starfsumhverfi
myndlistarmanna með samstarfi og aðstoð við starfandi listamenn við undirbúning og gerð
sýningar. Nemendur hagnýta síðan þá
reynslu við undirbúning eigin sýningar þar sem nemendur skipuleggja allt ferlið og ákveða
sýningarstað í samráði við kennara. Áhersla er lögð á sjálfstæð og öguð vinnubrögð.
Nemandi skal hafa öðlast þekkingu og skilning á:
Faglegri nálgun í myndlist
Miðlun sköpunar sinnar
Samfélagslegu hlutverki myndlistar
Mikilvægi agaðra og sjálfstæðra vinnubragða
Hugmyndavinnu
Gildi þess að tjá sig um eigin sköpun og sýna
Mikilvægi þess að geta miðlað myndlist á fjölbreytilegan hátt
Undirbúningi og uppsetningu myndlistarsýninga
Nemandi skal hafa öðlast leikni í að:
Vinna úr ólíkum verkefnum á agaðan og sjálfstæðan hátt, hvort sem þau eru sjónræns eðlis eða þekkingarfræðileg
Skipuleggja verkferli í listgrein sinni með ábyrgum og sjálfstæðum hætti
Skipuleggja listviðburði
Sýna frumkvæði og skapandi nálgun í listgrein sinni og beita viðeigandi aðferðum við útfærslu verka
Tjá sig á skýran, ábyrgan, gagnrýninn og skapandi hátt um eigin verkferli og listrænar niðurstöður
Öðlast öryggi í beitingu mismunandi miðlunarleiða í sinni listgrein og geti valið viðeigandi leið með tilliti til verkefna og aðstæðna hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
Vinna faglega og sjálfstætt að eigin sköpun
Hagnýta þá sérhæfðu þekkingu, leikni, aðferðir og verkkunnáttu sem hann hefur aflað sér
Öðlast sjálfstraust og sjálfstæði í þróun hugmynda og sýna áræðni við útfærslu þeirra og túlkun
Nota ímyndunarafl, innsæi og tilfinningar við sköpun
Vinna í samstarfi við aðra listamenn við uppsetningu listræns viðburðar
Greina, tjá sig um og meta eigin verk og annarra af þekkingu, víðsýni og umburðarlyndi
Öðlast hæfni til að meta listrænan styrk sinn og koma auga á hagnýtingu menntunar sinnar
Geta staðið að opinberri sýningu/tónleikum/viðburði og miðlað þar listrænum styrk sínum
Þróa með sér aga, metnað, ábyrgð og jákvæðni í vinnubrögðum
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.